Stadtbezirk

In Stadtbezirk is yn Dútslân in bestjoerlik ûnderdiel fan in gemeente, meastentiids tapast by grutte stêden mei mear as 150.000 ynwenners. In Stadtbezirk komt likernôch oerien mei in dielgemeente (bestjoerlik stedsdiel) yn Nederlân.

De tapassing fan 'e yndieling fan in stêd yn Stadtbezirke hinget ôf fan 'e Gemeindeordnung of Kommunalverfassung fan 'e dielsteat.

De offisjele oprjochting fan Stadtbezirke folget neffens in beslút fan in gemeenteried. In Stadtbezirk is meastentiids ûnderferdield yn Stadtteile (yn lanlike gemeente fakentiden Ortsteile neamd), dy't gjin bestjoerlike funksje ha, mar fral foar statistyske doeleinen brûkt wurde.