Maseru

Maseru
Suidheachadh
Dùthaich	Leasoto
Ceàrn	Maseru fhèin
Co-chomharran	29° 18 56' Deas 27° 30 07' Ear
Feartan fiosaigeach
Farsaingeachd	138 km²
Àireamh-shluaigh	227,880 (2006)
Dlùths	1,651.3/km²

'S e prìomh-bhaile Leasoto a tha ann am Maseru. Tha e suidhichte air bruach Abhainn Mohokare faisg air crìoch Afraga a Deas. 'S e seo an co-chomharran aige: 29° 31’ Deas agus 27° 48’ Ear. Tha Maseru 412km air falbh bho Phretoria (Afraga-a-Deas), 490km bho Mbabane (Dùthaich nan Suasaidh) agus 625km bho Mhaputo (Mòsaimbic).^[1] Tha e suidhichte ann am meadhan na dùthcha, aig 1,482m os cionn ìre na mara.^[2]

'S e an t-aonar baile mòr a tha anns an dùthaich seo. Anns a’ bhliadhna 2004 bha mu 180,000 duine a’ fuireach an seo. Gus a’ bhliadhna 1966 bha Maseru na prìomh-bhaile Basutoland, a bha fo smachd an Rìoghachd Aonaichte. B' e an Kingsway, rathad mòr eadar port-adhair Leabua Jonathan (a-nis: Mejametalana Airport) agus an lùchairt rìoghail ann am Maseru a' chiad rathad leacte. Rinn iad sin dìreach mus tàinig Ban-rìgh Ealasaid II a cheilidh air Leasoto anns na 1960mh.

Tha an Oilthigh Nàiseanta Leasoto suidhichte ann an Roma, baile beag faisg air Maseru. Tha am port-adhair eadar-nàiseanta, Moshoeshoe International Airport ann an Thoteng-ea-Moli, rud beag air falbh bho Mhaseru.

1. ↑ Distance Calculator
2. ↑ Mongabay