Alcest

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2018.)

Alcest
Orixe	Bagnols-sur-Cèze, Languedoc-Roussillon, Francia,
Período	2000 - presente
Xénero(s)	Blackgaze, shoegaze, black metal, dream pop, post-metal
Selo(s) discográfico(s)	Prophecy, Drakkar, Northern Silence, Nuclear Blast Records
Membros	Neige Winterhalter Indria Saray
Antigos membros	Aegnor Argoth
Artistas relacionados	Peste Noire, Phest Mortifera, Amesoeurs, Les Discrets, Perturbator
Na rede
alcest-music.com

Alcest é unha banda de blackgaze formada no ano 2000 na cidade francesa de Bagnols-sur-Cèze. Esta funciona como un proxecto individual de Stéphane Paut, máis coñecido como Neige. A banda comezou como un proxecto en solitario de black metal que en pouco tempo se converteu nun trío coa publicación da súa primeira maqueta no 2001. Pouco despois, Aegnor e Argoth, os outros dous membros do terceto, abandonaron a banda e deixaron a Neige como músico en solitario. A saída destes dous membros provocou un cambio estilístico, xa que Neige comezou a experimentar e a incorporar elementos de shoegaze e post-rock ao black metal, creando un novo subxénero musical chamado blackgaze arredor do 2005 coa publicación do seu EP Le Secret. Este subxénero será cultivado ata hoxe en día por bandas como Deafheaven, Liturgy, Harakiri For the Sky ou Sylvaine. No 2010 únese á formación o batería Winterhalter despois de 9 anos con Neige como único membro. Alcest publicou seis álbums de estudio; os tres primeiros están escritos integramente en lingua francesa.