Armisticio

Un armisticio^[1] consiste na suspensión das agresións entre os dous grupos (países, nacións, faccións) que se atopan enfrontados nunha loita armada. Non inclúe necesariamente a firma dun tratado de paz, senón que soamente cesan as hostilidades.

Ao longo da historia, durante algunhas guerras decretáronse armisticios en períodos especiais. Por exemplo, os exércitos cristiáns non se agredían durante o Nadal.

Un armisticio é unha situación de facto que non equivale a un tratado de paz. Por exemplo, ao armisticio da guerra de Corea de 1953 non seguiu tratado de paz ningún.

1. ↑ Definicións no Dicionario da Real Academia Galega e no Portal das Palabras para armisticio.