Bellas Vistas é un barrio do distrito de Tetuán, situado na zona noroeste da cidade de Madrid (España). Os seus límites son ao sur a avenida Raíña Victoria, ao norte a rúa Francos Rodríguez, ao oeste a avenida de Pablo Iglesias e ao leste a rúa de Bravo Murillo. Ao 1 de xaneiro de 2013 contaba cunha poboación de 29.074 habitantes e unha superficie de 71,63 Ha.
Destaca a súa trama viaria irregular adaptada a unha orografía complexa. As rúas son estreitas e de difícil accesibilidade. Ademais das rúas e avenidas que limitan o barrio destacan algunhas das que o atravesan. A rúa Pamplona, que no proxecto orixinal ía conectar a avenida do Xeneral Perón coa estrada da Dehesa da Vila. A rúa Jerónima Llorente corta a Pamplona perpendicularmente e conecta a rúa Francos Rodríguez con Doutor Federico Rubio e Gali. Esta última serpentea en paralelo a Pablo Iglesias. Por último, cabe destacar algunhas rúas pola súa importancia comercial como Almansa, Alvarado e Castilla.
_Estadio_Santiago_Bernabeu_-_panoramio_(cropped).jpg)
