BirdLife International

BirdLife International
Tipo	organización non gobernamental internacional, base de datos en liña, banco de dados biológicos, conservation organization, entidade filantrópica e organización sen ánimo de lucro
Campo de traballo	bird conservation
Data de fundación	1922
Nº de empregados	251 (2019)
Premios	Dr A. H. Heineken Prize for Environmental Sciences
Sede	Cambridge
País	Reino Unido
Na rede
https://www.birdlife.org/
[ editar datos en Wikidata ]

BirdLife International é unha organización internacional dedicada á protección das aves e os seus hábitats. Trátase dunha federación de asociacións democráticas e independentes que teñen como obxectivo a conservación e o estudo das aves. Actualmente a rede mundial de BirdLife International conta con representantes en máis de 100 países.^[1]

BirdLife International fundárona en 1922 os ornitólogos norteamericanos Gilbert Pearson e Jean Théodore Delacour co nome International Council for Bird Preservation (ICBP). Tratábase dun grupo de presión que deixou de actuar despois da segunda guerra mundial. Volveu á actividade en 1983 co nomeamento dun director profesional e cambiou o seu nome en 1993 polo actual de BirdLife International.

Entre os seus Presidentes de Honor están a princesa Takamado do Xapón e a raíña Noor de Xordania.^[2]

Os obxectivos de BirdLife International son:

• Previr a extinción de todas as especies de aves
• Mellorar o estado de conservación das aves
• Conservar e mellorar os hábitats das aves do mundo
• Conservar a través das aves a biodiversidade do planeta e a calidade de vida das persoas.

BirdLife International é membro da Lista Vermella da IUCN e a súa autoridade oficial en materia de aves.^[3][4]

BirdLife realiza cooperacións con máis de catro mil traballadores, dous millóns e medio de socios, dez millóns de seguidores e xestiona máis de 1 millón de hectáreas.^[5]

BirdLife International ten programas de traballo conservacionistas nas seguintes partes do mundo, que son descritas como "rexións": África, as dúas Américas, Asia, Europa e Asia central, o Oriente Próximo e o Pacífico.^{[6][7][8][9][10][11][12]}

En cada unha das rexións, BirdLife ten nove programas, algúns dos cales xa están ben establecidos e outros son de implantación máis recente e responden a asuntos específicos sobre a conservación. Ademais dos programas rexionais, hai programas "globais", que non son específicos dunha rexión, os cales axudan ás organizacións membros a traballar en prioridades comúns, proporcionan un marco de planeamento, aplicación e monitorización e avalían o traballo de conservación realizado. Os progamas de BirdLife son: o Programa Mariño e de Aves Mariñas, o Programa de Prevención das Extincións de Birdlife, o Programa de Aves e Rutas Migratorias, o Programa de Cambio Climático, o Programa de Bosques da Esperanza, o Programa de Apoderamento Local, o Programa de Especies Alleas Invasivas e o Programa de Áreas Importantes para a Biodiversidade e as Aves.^{[13][14][15][16][17][18][19][20]}

BirdLife International publica unha revista chamada World Birdwatch, que contén novas recentes e artigos acreditados sobre aves, os seus hábitats, e a súa conservación arredor do mundo.^[21]

1. ↑ "BirdLife Partners". BirdLife International. Arquivado dende o orixinal o 28 de xuño de 2019. Consultado o 30 de agosto de 2015. 
2. ↑ "Princess Takamado becomes BirdLife’s Honorary President" (en inglés). BirdLife International. 13 de marzo de 2004. Arquivado dende o orixinal o 03 de xaneiro de 2009. Consultado o 18 de xullo de 2010. 
3. ↑ "About the IUCN Red List" (en inglés). Unión Internacional para a Conservación da Natureza. 27 de agosto de 2009. Arquivado dende o orixinal o 24 de xullo de 2010. Consultado o 18 de xullo de 2010. 
4. ↑ "Birds on the IUCN Red List" (en inglés). BirdLife International. Arquivado dende o orixinal o 14 de outubro de 2013. Consultado o 18 de xullo de 2010. 
5. ↑ "BirdLife Global Partnership" (en inglés). BirdLife International. Arquivado dende o orixinal o 06 de xullo de 2010. Consultado o 18 de xullo de 2010. 
6. ↑ "Regions". BirdLife International. Consultado o 30 de agosto de 2015. 
7. ↑ "Africa". BirdLife International. Consultado o 30 de agosto de 2015. 
8. ↑ "Americas". BirdLife International. Consultado o 30 deagosto de 2015. 
9. ↑ "Asia". BirdLife International. Consultado o 30 de agosto de 2015. 
10. ↑ "Europe and Central Asia". BirdLife International. Consultado o 30 de agosto de 2015. 
11. ↑ "Middle East". BirdLife International. Consultado o 30 de agosto de 2015. 
12. ↑ "Pacific". BirdLife International. Consultado o 30 de agosto de 2015. 
13. ↑ "Marine". BirdLife International. Consultado o 30 de agosto de 2015. 
14. ↑ "Preventing Extinctions". BirdLife International. Consultado o 30 de agosto de 2015. 
15. ↑ "Migratory Birds and Flyways". BirdLife International. Arquivado dende o orixinal o 25 de agosto de 2015. Consultado o 30 de agosto de 2015. 
16. ↑ "Climate Change". BirdLife International. Consultado o 30 de agosto de 2015. 
17. ↑ "Forests of Hope". BirdLife International. Consultado o 30 de agosto de 2015. 
18. ↑ "Local Empowerment". BirdLife International. Consultado o 30 de agosto de 2015. 
19. ↑ "Invasive Alien Species". BirdLife International. Arquivado dende o orixinal o 05 de setembro de 2015. Consultado o 30 de agosto de 2015. 
20. ↑ "Important Bird and Biodiversity Areas (IBAs)". BirdLife International. Consultado o 30 de agosto de 2015. 
21. ↑ "BirdLife’s World Bird Club". BirdLife International. Consultado o 30 de agosto de 2015.