Bocalada

As bocaladas,^[1] grosarías,^[2] groserías^[3] ou palabras feas son un conxunto de formas lingüísticas que a comunidade lingüística ou parte dela considera inapropiadas, obscenas, indecentes, deshonestas, inxuriosas ou ofensivas. A quen emprega estas palabras con frecuencia considéraselle bocalán,^[4] malfalado,^[5] desbocado^[6] ou deslinguado.^[7]

É propio das bocaladas referirse ao que socialmente se considera sacro (relixión, raza, orixe familiar ou nacional) ou tabú (escatoloxía, determinadas partes do corpo, sexo, sicalipse, humor negro); liberando a tensión emocional con expresións excesivas ou hiperbólicas (blasfemia, maldición, renego, xuramento, voto) ou dirixíndose a un destinatario concreto en forma de improperio, insulto, desprezo, ridiculización, estigmatización ou descrición persoal exacerbada.

1. ↑ Definicións no Dicionario da Real Academia Galega e no Portal das Palabras para bocalada.
2. ↑ Definicións no Dicionario da Real Academia Galega e no Portal das Palabras para grosaría.
3. ↑ Definicións no Dicionario da Real Academia Galega e no Portal das Palabras para grosería.
4. ↑ Definicións no Dicionario da Real Academia Galega e no Portal das Palabras para bocalán.
5. ↑ Definicións no Dicionario da Real Academia Galega e no Portal das Palabras para malfalado.
6. ↑ Definicións no Dicionario da Real Academia Galega e no Portal das Palabras para desbocado.
7. ↑ Definicións no Dicionario da Real Academia Galega e no Portal das Palabras para deslinguado.