Canoa

Unha canoa é unha embarcación pequena de forma alongada que se move mediante a forza humana. Habitualmente é dunha peza, a proa e a popa son puntiagudas, adoitan non ter leme nin quilla e a propulsión é a base de remos ou pas cuxo número depende do tamaño da embarcación. Os padexeiros encóntranse de cara á dirección desexada, xa sexan sentados en soportes sobre o casco ou fincados directamente nela. Deste xeito padexar unha canoa diferénciase co remo, xa que os remeiros encóntranse de costas á dirección desexada. As pas poden ser dunha soa folla ou de dobre folla

Entre as canoas pódense diferenciar varios tipos como por exemplo as de tipo monocasco, de buque aberto (a miúdo construídas a partir dun madeiro dunha árbore baleirada) que adoitan chamarse piraguas e caiucos, ou as de buque pechado, habitualmente construídas con pel, como os kaiaks do ártico.

As protoembarcacions máis antigas (duns 10.000 anos) descubertas en sitios arqueolóxicos foron caiucos cortados con ferramentas de pedra a partir de madeiros de árbores resinosas.^[1]

1. ↑ Casson, Lionel (1995). JHU Press, ed. Ships and seamanship in the ancient world (en inglés). pp. 7–8. ISBN 0801851300.