Cardo

Cardo é o nome común dun grupo de plantas herbáceas silvestres con follas e inflorescencias espiñentas da cal existen varias especies. A maioría pertencen á familia Asteraceae (asteráceas). Os espiños aparecen por toda a planta –nos talos e nas partes planas das follas; son unha adaptación que protexe as plantas de ser comidas polos animais herbívoros. Tipicamente, as cabezas florais están formadas por unha especie de invólucro en forma de cáliz que abraza os pétalos. O termo cardo emprégase ás veces para nomear as plantas da tribo Cynareae (sin.: Cardueae),^[1] especialmente os xénero Carduus, Cirsium, e Onopordum.^[2] Porén, algunhas plantas fóra desta tribo coñécense vulgarmente co nome galego cardo. O Dicionario das ciencias da natureza e da saúde^[3] di que se chama cardo a diferentes das familias das compostas, dipsacáceas, papaveráceas, solanáceas e umbelíferas, especialmente os xéneros Carduus sp. e Cirsium sp. O cardo asneiro é o emblema floral de Escocia.

1. ↑ "Cardueae". Tree of Life webproject. Arquivado dende o orixinal o 29 de xullo de 2023. Consultado o 2012-10-30. 
2. ↑ "thistle". Merriam-Webster's online dictionary. Consultado o 2007-11-30. 
3. ↑ A Coruña, Deputación da Coruña, 2000