Conquista normanda de Inglaterra

Conquista normanda de Inglaterra
Tipo	conquista militar
Localización	Reino de Inglaterra
Campaña
Conquista normanda de Inglaterra [ Editar ] Batallas  · Batalla de Fulford  · Batalla de Stamford Bridge  · Batalla de Hastings  · Masacre do Norte  · Revolta dos Condes  ·
[ Wikidata ]

A conquista normanda de Inglaterra foi a invasión e ocupación de Inglaterra no século XI por parte dun exército normando, bretón e francés liderado polo duque Guillerme II de Normandía, posteriormente coñecido como Guillerme o Conquistador.^[1]

A reclamación do trono Inglés por parte de Guillerme derivaba da súa relación familiar co rei sen fillos Eduardo o Confesor, quen alimentou a esperanza de Guillermo a sucedelo no trono. Eduardo faleceu en xaneiro de 1066 e foi sucedido polo seu cuñado Haroldo Godwinson. O rei noruegués Haraldo Hardrada invadiu o norte de Inglaterra en setembro de 1066 e gañou na batalla de Fulford, pero Haroldo derrotouno e matouno na batalla de Stamford Bridge o 25 de setembro. Poucos días despois Guillerme desembarcou no sur de Inglaterra. Haroldo marchou cara ao sur, deixando unha parte significativa do seu exército no norte. O exército de Haroldo enfrontouse ós invasores de Guillerme o 14 de outubro na batalla de Hastings. O exército de Guillerme derrotou o de Haroldo, que pereceu na batalla. Malia que os principais rivais de Guillerme desapareceron entón, tivo que facer fronte a varias rebelións durante os seguintes anos e non conseguiu asegurar o seu trono ata despois de 1072.

1. ↑ Bates, David (1982). Normandy Before 1066 . Londres: Longman. ISBN 978-0-582-48492-4 (en inglés)