Gregory House

Gregory House
Hugh Laurie, intérprete de Gregory House.
Información
Alcume	Greg
Raza	Branco
Sexo	Masculino
Nacemento	15 de maio / 11 de xuño de 1959[1][2]
Título	Doutor en medicina; especialista en nefroloxía e doenzas infecciosas
Familia	Blythe House (nai) John House (pai)
Cónxuxe	Dominika Petrova
Fillos	Non ten
Residencia	Princeton, Nova Jersey
Nacionalidade	Estadounidense

Gregory House é o personaxe protagonista da serie House (2004-2012), interpretado polo actor británico Hugh Laurie. Médico de profesión, especializado en doenzas infecciosas e nefroloxía, o personaxe lidera un equipo de diagnóstico no ficticio Hospital Universitario Princeton-Plainsboro e é descrito como amargado, sarcástico, cínico, maníaco nalgunhas ocasións, misántropo, narcisista e rabudo.

Os métodos pouco ortodoxos que House utiliza para diagnosticar, as terapias alternativas e a racionalidade incondicional dan como resultado varios conflitos cos seus colegas de profesión.^[3] House a miúdo é retratado como unha persoa carente de simpatía e compaixón cara aos seus pacientes, unha práctica que lle permite resolver os enigmas patolóxicos. O personaxe está inspirado en Sherlock Holmes.^[4][5]​ Un exemplo diso é que aínda que o detective era adicto á cocaína, o médico é adicto á vicodina para controlar a dor da súa perna, derivado dun infarto nun músculo.

Tom Shales, do The Washington Post, dixo que é «o personaxe máis impactante que fose un éxito televisivo en anos» e en 2008 foi votado como o segundo doutor máis sexy de todos os tempos, por detrás do doutor Doug Ross (George Clooney) da serie ER.^[6] Hugh Laurie gañou varios premios pola súa interpretación, incluídos dous Globos de ouro ao mellor actor en series dramáticas, e estivo nomeado aos Emmy en 2005, 2007, 2008, 2009 e 2010. TV Overmind nomeou o personaxe como o «mellor personaxe de televisión da última década»​ e dentro da lista dos 100 mellores personaxes, TV Guide considérao o mellor de todos os tempos.

1. ↑ No episodio 22 da tempada 7, un frasco de medicinas amosa que a súa data de nacemento foi o 15/05/1959.
2. ↑ "No Reason". Internet Movie Database. Consultado o 9 de xaneiro de 2009.  Segundo o seu número de seguridade social (295-13-7865) do brazalete de identificación do hospital. O nome completo de House lístase na táboa cando xace na cama no hospital. O brazalete tamén amosa que a súa data de nacemento foi o 11/06/1959.
3. ↑ Kristine, Diane (23 de abril de 2005). "Ending Season Three With a Bang? An Interview with House Writer Lawrence Kaplow". Blog Critics. Arquivado dende o orixinal o 4 de febreiro de 2009. Consultado o 9 de xaneiro de 2009. 
4. ↑ O'Hare, Kate (5 de xaneiro de 2005). "Building 'House' Is Hard Work". Zap2It. Arquivado dende o orixinal o 5 de maio de 2007. Consultado o 9 de xaneiro de 2009. 
5. ↑ "House and Holmes parallels - Radio Times, xaneiro de 2006" (Radio Times ed.). Arquivado dende o orixinal o 18 de xaneiro de 2010. Consultado o 16 de decembro de 2021. 
6. ↑ Diaz, Glen L. (11 de agosto de 2008). "Move over Clooney, 'House' is Here". BuddyTV. Arquivado dende o orixinal o 3 de maio de 2014. Consultado o 23 de maio de 2017.