Harlem

Harlem

Epónimo	Haarlem
Localización
40°48′33″N 73°56′54″O / 40.809033333333, -73.948372222222
Estado	Estados Unidos de América
Estado federado	Nova York
Cidade	Nova York
Borough	Manhattan
Poboación
Poboación	363.633 (2010) (36.269 hab./km²)
Xeografía
Superficie	10,026 km²
Creación	1653
Identificador descritivo
Código postal	10026 e 10039

Harlem é un barrio da sección norte da cidade de Nova York, no distrito de Manhattan. Dende a década de 1920, Harlem foi o centro residencial, cultural e de negocios dunha maioría afroamericana. Orixinalmente unha vila neerlandesa fundada en 1658,^[1] o seu nome provén da cidade de Haarlem, nos Países Baixos. A historia de Harlem definiuse por ciclos de bonanza e crise, con significativas variacións de poboación con cada ciclo.^[2]

Os residentes afroamericanos comezaron a chegar en masa en 1905, con números incrementados pola Gran Migración. Nas décadas de 1920 e 1930, Harlem Central e Occidental foron o berce do "Renacemento de Harlem", un florecemento da creación artística sen precedentes na comunidade negra. Porén, o aumento do paro na época da Gran Depresión e a desindustrialización de Nova York despois da segunda guerra mundial, incrementou os índices de criminalidade e pobreza.^[3]

Coa revitalización da cidade de Nova York a finais do século XX, Harlem experimentou un proceso de xentrificación. Malia este fluxo de nova riqueza, moita poboación sobrevive das axudas sociais, cun 34,9% na zona Occidental, un 43,3% na Central, e un 46,5% na Oriental.^[4]

1. ↑ Pierce, Carl Horton, et al. New Harlem Past and Present: the Story of an Amazing Civic Wrong, Now at Last to be Righted. New York: New Harlem Pub. Co., 1903.
2. ↑ "Harlem History |". Harlemworldmag.com. Arquivado dende o orixinal o 17 de abril de 2016. Consultado o 19 de abril de 2016. 
3. ↑ "Copia arquivada". Arquivado dende o orixinal o 17 de abril de 2016. Consultado o 19 de abril de 2016. 
4. ↑ "Copia arquivada" (PDF). Arquivado dende o orixinal (PDF) o 17 de marzo de 2013. Consultado o 25 de setembro de 2014.