Hostafrancs

Hostafrancs

Epónimo	Hostafrancs (en)
Localización
41°22′32″N 2°08′35″L / 41.3756, 2.1431
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distrito	Sants-Montjuïc
Poboación
Poboación	16.102 (2021) (39.273,17 hab./km²)
Xeografía
Superficie	41 ha

Hostafrancs é un barrio do distrito de Sants-Montjuïc da cidade de Barcelona. Atópase entre a Gran Via de les Corts Catalanes e o barrio de Sants. Os eixos máis importantes són a Creu Coberta, a rúa Consell de Cent e os arredores do mercado.

O nome do barrio ten a súa orixe no nome do hostal que construíu Joan Corrades i Bosch a mediados do século XIX, que comprou o terreo en 1840 e deulle o nome da vila da que era orixinario, Hostafrancs, na comarca da Segarra. Moi pronto este hostal fíxose coñecido entre os que utilizaban a miúdo a estrada de Madrid e querían descansar ou facer noite cando xa estaban pechadas as murallas de Barcelona, a causa da proximidade deste ao Portal de Sant Antoni. Este hostal estaba onde agora atopamos o cine Arenes, afectado polo proxecto de facer chegar a rúa Diputació ata a Gran Vía.

Orixinalmente o terreo que se convertería en Hostafrancs pertenceu ao municipio de Santa Maria de Sants, futuro Sants. En 1839 a Deputación Provincial desvinculou o sector que ía da Ponte d'En Rabassa á Creu Coberta para pasalo a Barcelona. A igrexa de Santa Maria de Sants mantivo o control sobre esa zona ata 1868.