Kuwaliya

Kuwaliya foi unha rexión mencionada nas inscricións hititas, identificada como a parte norte da clásica Frixia, talvez ata a zona da costa do Mar de Mármara ou Propóntide, onde algúns sitúan Karkissa (que sería a mesma que Karkiya, que en xeral se identifica como Caria).

Esta rexión foi cedida ao ex rei de Mira Mashwiluwa ou Mashwiluwas por Suppiluliumas I, pois a maior parte do reino de Mira caera en mans dos seus irmáns e despois de Hapalla, e titulouse rei de Mira e Kuwaliya (a pesar de que só gobernaba Kuwaliya) Despois da vitoria de Mursilis II sobre Arzawa e o seu aliado Hapalla, Mira foille arrebatada e restituíuse a Mashwiluwas de Kuwaliya, que entón foi rei efectivo de Mira e Kuwaliyas.