Lingua pali

Pali पाळि
Pronuncia:	[paːli]
Falado en:	Sri Lanka, Myanmar, Tailandia, Camboxa, Laos, Vietnam, india, Nepal, Bangladesh
Extinción:	Sen falantes nativos,usado como lingua literaria e litúrxica
Familia:	Indoeuropea  Indoiraniana   Indoaria    Pali
Escrita:	varias escritas, como bengalí, burma, devanágari, khmer, lao, alfabeto latino, sinhala, thai e lanna
Códigos de lingua
ISO 639-1:	pi
ISO 639-2:	pli
ISO 639-3:	pli
Mapa
Status

O pali é unha lingua indoeuropea, da rama índica, e prácrita. Pódese dicir que o Pali é unha forma simplificada do sánscrito. A súa fama provén de ser a lingua na cal se rexistraron as escrituras do budismo Theravada, coñecidas como o Canon Pali no Sri Lanka no século -I. A lingua tivo representación escrita nunha variedade de sistemas de escritura, do brahmi ao devanágari e outros sistemas índicos ata unha forma romanizada desenvolvida por T. W. Rhys Davids, da Pali Text Society.

Algúns budistas^{[Cómpre referencia]} da escola Theravada consideran que o Pali foi a lingua falada por Buda. Porén, non está claro incluso se chegou a ser de feito unha lingua falada. Varios investigadores manteñen que era unha lingua puramente literaria creada a partir dalgúns dialectos hindús, sendo o magadhi (lingua do reino de Magada/Magadha) un dos máis probables devanceiros.