Mary Wollstonecraft

Mary Wollstonecraft

(1797)
Biografía
Nacemento	27 de abril de 1759 Spitalfields (Reino de Gran Bretaña)
Morte	10 de setembro de 1797 (38 anos) Somers Town (Reino de Gran Bretaña)
Causa da morte	Infecção puerperal (pt)
Lugar de sepultura	St Peter's Church, Bournemouth (en) (1851–) St Pancras Old Church, Camden (en) (1797–1851)
Residencia	Barking (en) Southwark (pt) Bloomsbury (pt) Beverley Illa de Irlanda Gales Newington Green (en) Epping Forest (en) París
Relixión	Deísmo, anglicanismo e Unitarismo
Actividade
Campo de traballo	Ensaio, Estudos de xénero, Dereitos da muller, acción política e Escrita creativa e profesional
Lugar de traballo	Londres
Ocupación	tradutora, institutriz, empresaria, escritora de viaxes, escritora de literatura infantil, ensaísta, historiadora, novelista, filósofa, escritora
Xénero artístico	Feminismo
Influencias	Thomas Paine, Richard Price e Joseph Johnson (en)
Pseudónimo literario	Mr. Cresswick
Obra
Obras destacables (1792) Vindicación dos dereitos da muller (1796) Letters Written During a Short Residence in Sweden, Norway, and Denmark (en)
Familia
Cónxuxe	William Godwin (1797–) Gilbert Imlay
Parella	William Godwin
Fillos	Fanny Godwin  () Gilbert Imlay Mary Shelley  () William Godwin
Pais	Edward John Wollstonecraft   e Elizabeth Dixon
Irmáns	Charles Wollstonecraft
Descrito pola fonte	Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron Dictionary of National Biography

Mary Wollstonecraft, nada en Spitalfields, Londres o 27 de abril de 1759 e finada o 10 de setembro de 1797, foi unha filósofa, escritora inglesa e defensora dos dereitos das mulleres. Durante a súa breve carreira, escribiu novelas, tratados, unha narración de viaxe, unha historia da Revolución Francesa, un manual de conduta e un libro para a mocidade. Wollstonecraft é coñecida por Vindicación dos dereitos da muller (1792), onde argumenta que as mulleres non son naturalmente inferiores aos varóns, mais semellan selo porque non reciben a mesma educación. Ela suxire que tanto varóns coma mulleres deben ser tratados como seres racionais e imaxina unha orde social fundada pola razón. Con esta obra estableceu as bases do feminismo moderno e converteuna nunha das mulleres máis populares de Europa da época.

Ata finais do século XX, a vida de Wollstonecraft, que abranguía varías relacións persoais non convencionais, recibía máis atención que a súa obra. Despois de dous malos asuntos con Henry Fuseli e Gilbert Imlay (con quen tivo unha filla, Fanny Imlay), casou co filósofo William Godwin, un dos devanceiros do movemento anarquista. Wollstonecraft finou á idade de 38 anos, once días despois de dar a luz a súa segunda filla, ficando atrás varios manuscritos inacabados. Esta filla, Mary Wollstoncraft Godwin, converteuse nunha consumada escritora, como Mary Shelley, a autora de Frankenstein ou o moderno Prometeo.

Despois da morte de Wollstonecraft, o seu viúvo publicou Memoirs of the Author of A Vindication of the Rights of Woman (Memorias da autora de Vindicación dos dereitos da muller, 1798), revelando o seu estilo de vida pouco ortodoxo, que inadvertidamente destruíu a súa reputación durante case un século. Porén, co movemento feminista de comezos do século XX, a defensa de Wollstonecraft da igualdade das mulleres e as críticas á feminidade convencional fixéronse cada vez máis importantes. Na actualidade, Wollstonecraft é considerada unha das filósofas feministas fundadoras, e as feministas adoito citan tanto a súa vida coma o seu traballo como grandes influencias.