Palacio da Zarzuela

Palacio da Zarzuela
Recepción oficial nas escaleiras do palacio.
Edificio
Estilo	Barroco
Localización	Madrid, España
Coordenadas	40°28′58″N 3°48′05″O / 40.48278, -3.80143
Propietario	Patrimonio Nacional
Uso(s)	Residencia oficial da Familia Real Española
Construción
Inicio	1627
Remate	1635
Equipo
Arquitecto(s)	Juan Gómez de Mora Alonso Carbonel
[ editar datos en Wikidata ]

O Palacio da Zarzuela é a residencia oficial do rei de España e a Familia Real e sede da Casa Real española; de propiedade estatal, o seu coidado e mantemento está ao cargo do Patrimonio Nacional. Está situada nas proximidades de Madrid, a entrada principal está no quilómetro 3.4 da estrada nacional N-VI.

Construíuse no século XVII por orde do Cardeal Infante Fernando, irmán do rei Filipe IV como sede de bailes e festas e foi reformado no século XVIII por orde de Carlos IV. Durante a Guerra Civil española foi case totalmente destruído quedando soamente a fachada, restaurado en 1959, converteuse en 1963 na residencia oficial do entón Príncipe de España, Xoán Carlos. En 1975 sufriu unha ampliación e creouse o actual salón de audiencias.