Percebe

Percebe Pollicipes pollicipes
Clasificación científica
Reino: Animalia Filo: Arthropoda Subfilo: Crustacea Clase: Maxillopoda Infraclase: Cirripedia Orde: Pedunculata Familia: Pollicipedidae Xénero: Pollicipes Especie: P. pollicipes
Nome binomial
Pollicipes pollicipes (Gmelin, 1789) [1]
Distribución do percebe
Sinonimia
Lepas gallorum Spengler, 1790 [2] Lepas pollicipes Gmelin, 1789 [2] Mitella pollicipes (Gmelin, 1789) [3] Pollicipes cornucopia Leach, 1817 [1][3]

O percebe (Pollicipes pollicipes), tamén denominado mixote, percebe da pedra, percebe da sombriza e percebe mexón, segundo M. C. Ríos Panisse^[4] e mais Rosa Ramonell,^[5] é unha especie de artrópodo pertencente á familia dos policipédidos da orde dos pedunculados e infraclase dos cirrípedes, do subfilo dos crustáceos, estando en consecuencia ligado de lonxe cos cangrexos e as lagostas. Algunhas autoridades académicas consideran os cirrípedes como clase plena.

A especie foi descrita por primeira vez polo químico e naturalista alemám Johann Friedrich Gmelin en 1789, baixo o nome de Lepas pollicipes. Das ao redor de 1220 especies de percebes coñecidas, Pollicipes pollicipes (antes Pollicipes cornucopia) é a común nas augas galegas.

1. ↑ ^{1,0 1,1} Alan Southward (21 de decembro de 2004). "Pollicipes pollicipes (Gmelin, 1789)". MarBEF Data System. European Register of Marine Species.  (en inglés)
2. ↑ ^{2,0 2,1} Charles Darwin (1851). A monograph on the sub-class Cirripedia, with figures of all the species. Ray Society. 
3. ↑ ^{3,0 3,1} M. K. S. Barnes (February 10, 2009). "A stalked barnacle – Pollicipes pollicipes". Marine Life Information Network for Britain & Ireland. Marine Biological Association of the United Kingdom. Arquivado dende o orixinal o 23 de decembro de 2012. Consultado o 03 de xullo de 2013. 
4. ↑ Ríos Panisse, M. C. (1977): Nomenclatura de la flora y fauna marítimas de Galicia. I. Invertebrados y peces. Verba, Anejo 7. Santiago: Univerdidad de Santiago de Compostela. ISBN 84-7191-008-X, pp. 56-57.
5. ↑ Rosa Ramonell (1985), p. 183.