Promissio Carisiaca

A Promissio Carisiaca (en latín Promesa de Quierzy), coñecida tamén como Donatio Carisiaca, doazón de Pipino, tratado de Quierzy ou doazón de Quierzy, foi un acto a través do cal Pipino o Breve no 754 lle prometeu ao papa Estevo III^[1] a restitución das terras tomadas ao Imperio bizantino polo rei longobardo Aistolfo. O territorio en cuestión correspondía na súa maioría ao Exarcado e á Pentápole.^[2] O tratado está testemuñado por algunhas fontes, pero é de existencia incerta.

1. ↑ Ou Estevo II, dado o problema coa numeración dos papas deste nome, véxase Estevo II, papa.
2. ↑ A. Cortonesi "Il Medeoevo: profilo di un millennio", Roma: Carocci Edetore 2008, pp. 70-73