Proximidades Madrid

Proximidades Madrid (en castelán: Cercanías Madrid) é o servizo ferroviario explotado por Renfe Operadora sobre unha infraestrutura de Adif, que comunica a cidade de Madrid coa súa área metropolitana e as principais poboacións da Comunidade de Madrid e Guadalaxara.

A rede, cun persoal duns 1.300 empregados, conta con nove liñas en funcionamento, discorrendo por 370 km de vías férreas, con 89 estacións das que máis de 20 ofrecen correspondencia co Metro de Madrid e unha delas co Tranvía de Parla. En días laborables hai unhas 1.385 circulacións diarias, podendo transportar un total de 880.000 viaxeiros.