Skate punk

Skate punk (ás veces chamado skate core ou skate rock) é un subxénero do punk rock, orixinalmente derivado da escena hardcore punk da costa oeste estadounidense, chamado así pola súa popularidade entre patinadores e pola súa relación coa cultura skate. O skate punk principalmente describe ás bandas de hardcore melódico dos anos 90 cun son agresivo, e a bandas de son semellante modernas. Os vídeos do xénero tradicionalmente ofreceron o estilo agresivo do punk rock en paralelo coa sensación de patinar. Isto tivo un papel importante na creación do termo "skate punk". Porén, moitas bandas que comunmente son referidas como skate punk non aceptan esta etiqueta, xa que non asocian co skate.