Territorio indio

Territorio indio

Indian territory (en)
Localización
36°N 98°O / 36, -98
Estado	Estados Unidos de América
Estado federado	Oklahoma
Datos históricos
Precedido por	Território de Missouri (pt)
Creación	1834
Disolución	16 de novembro de 1907
Sucedido por	Oklahoma

Como termos xenéricos, Territorio indio, os Territorios indios ou País indio describen un terrero ofrecido polo goberno dos Estados Unidos de América para recolocar pobos indíxenas que tiveran os seus fogares nesas terras. En xeral, as tribos cedéronllas ó goberno en troques duns territorios que os Estados Unidos adquiriran de Napoleón Bonaparte, a compra de Luisiana. O concepto dun "territorio indio" provén dunha política de deportación dos nativos. Despois da Guerra Civil Norteamericana, a política do goberno converteuse nunha de asimilación cultural.

O termo reserva india describe as terras que o Goberno británico puxo a disposición dos indios entre os Montes Apalaches e o río Mississippi na época anterior á Guerra de Independencia.

O Territorio Indio referiríase posteriormente a un territorio non organizado cuxas fronteiras foron feitas nun comezo pola Intercourse Act (Acta de Relacións) de 1834, e foi o herdeiro do Territorio de Missouri, trala proclamación do estado de Missouri. As fronteiras do Territorio foron reducíndose a medida que o Congreso foi aprobando varias "Actas Orgánicas" para crear novos territorios. O Oklahoma Enabling Act creou o estado de Oklahoma a partir do Territorio de Oklahoma e o Territorio Indio, acabando coa existencia deste último.