Territorios do Noroeste

Territorios do Noroeste

Northwest Territories (en) Territoires du Nord-Ouest (fr) ᓄᓇᑦᓯᐊᖅ (iu) Dënéndeh (mis)
Bandeira Brasón
Lema	«sen valor»
Epónimo	noroeste e Dene
Localización
67°N 121°O / 67, -121
Estado	Canadá
Capital	Yellowknife, Canadá (1967–)
Contén a división administrativa	Distrito de Alberta (1882–1905) Distrito de Assiniboia (1882–1905) Distrito de Athabasca (pt) (1882–1905) Distrito de Mackenzie (1895–1999) Rexión Slave do Norte (1999–) Rexión Slave do Sur (1999–) distrito de Franklin (1895–1999) distrito de Keewatin (1905–1999) distrito de Saskatchewan (1882–1905) distrito de Ungava (1895–1920) distrito de Yukon (1895–1898) rexión de Inuvik (valor descoñecido–) rexión de Sahtu (1999–) rexión do Dehcho (1999–)
Poboación
Poboación	41.070 (2021) (0,03 hab./km²)
Lingua oficial	lingua chipewyan lingua cree lingua inglesa lingua francesa lingua gwichʼin Lingua inuinnaqtun Lingua inuktitut lingua inuvialuktun lingua slavey do norte lingua denetaca Lingua dogrib
Xeografía
Superficie	1.346.106 km²
Bañado por	Océano Ártico
Punto máis alto	Monte Nirvana (2.773 m)
Punto máis baixo	Océano Ártico (0 m)
Comparte fronteira con	Columbia Británica, Suroeste (1871–) Yukón, oeste (1898–) Alberta, sur (1905–) Saskatchewan, sueste (1905–) Nunavut, leste (1999–)
Datos históricos
Precedido por	Terra de Rupert, Territorio do Noroeste, distrito de Keewatin, Territorios árticos británicos e Distrito de Mackenzie
Creación	15 de xullo de 1870
Día festivo	Día Nacional dos Pobos Indíxenas (21 de xuño)
Organización política
Forma de goberno	sistema parlamentario goberno de consenso
Órgano executivo	Goberno dos Territorios do Noroeste
• Primeiro ministro	R. J. Simpson (2023–)
Órgano lexislativo	Legislature of the Northwest Territories (en) ,
PIB nominal	4.322.000.000 C$ (2020)
Moeda	Dólar canadense
Identificador descritivo
Código postal	X0E, X1A e X0G
Fuso horario	Zona horaria da montaña (→ América/Yellowknife, América/Inuvik)
ISO 3166-2	CA-NT
Sitio web	gov.nt.ca

Este artigo amosa letras nativas canadenses. Sen o soporte axeitado, o texto pode mostrar símbolos sen sentido, coma caixas, marcas e outros.

Os Territorios do Noroeste (en francés: les Territoires du Nord-Ouest; en inglés: Northwest Territories; en inuktitut: ᓄᓇᑦᓯᐊᖅ) é un dos tres territorios federais do Canadá. Cunha superficie terrestre de aproximadamente 1 144 000 km² e unha poboación do censo de 2016 de 41 790 habitantes, é o segundo máis grande e o máis poboado dos tres territorios do norte do Canadá.^[1] A súa poboación estimada en 2023 é de 45 668 habitantes.^[2] Yellowknife é a capital, comunidade máis poboada e única cidade do territorio; a súa poboación era de 19 569 segundo o censo de 2016. Converteuse na capital territorial en 1967, seguindo as recomendacións da Comisión Carrothers.

Os Territorios do Noroeste, unha parte do antigo Territorio do Noroeste, entraron na Confederación Canadense o 15 de xullo de 1870. Desde entón, o territorio dividiuse catro veces para crear novas provincias e territorios ou ampliar os existentes. As súas fronteiras actuais datan do 1 de abril de 1999, cando o tamaño do territorio volveu diminuír pola creación do novo territorio de Nunavut ao leste, a través da Lei de Nunavut e do Acordo de Reclamacións de Terras de Nunavut.^[3][4] Aínda que Nunavut é principalmente tundra ártica, os Territorios do Noroeste teñen un clima lixeiramente máis cálido e é á vez bosque boreal (taiga) e tundra, e as súas rexións máis setentrionais forman parte do arquipélago ártico.

Os Territorios do Noroeste teñen o maior número de fronteiras terrestres interprovinciais e interterritoriais entre todas as provincias e territorios do Canadá. Limita cos territorios de Nunavut ao leste e Yukón ao oeste, e coas provincias de Columbia Británica, Alberta e Saskatchewan ao sur; tamén toca Manitoba ao sueste nun cuadripunto que inclúe Nunavut e Saskatchewan. A superficie terrestre dos Territorios do Noroeste é aproximadamente igual á de Francia, Portugal e España xuntos, aínda que a súa superficie global é aínda maior debido aos seus enormes lagos.

1. ↑ "Population and dwelling counts, for Canada, provinces and territories, 2011 and 2006 censuses". Statcan.gc.ca. 8 de febreiro de 2012. Arquivado dende o orixinal o 26 de decembro de 2018. Consultado o 8 de febreiro de 2012. 
2. ↑ "Population by year of Canada of Canada and territories". Statistics Canada. 26 de setembro de 2014. Consultado o 12 de marzo de 2019. 
3. ↑ Justice Canada (1993). "Nunavut Act". Consultado o 26 de abril de 2007. 
4. ↑ Justice Canada (1993). "Nunavut Land Claims Agreement Act". Arquivado dende o orixinal o 5 de xuño de 2011. Consultado o 26 de abril de 2007.