The Hole Truth... and Nothing Butt

The Hole Truth...and Nothing Butt' é o primeiro álbum recompilatorio da banda estadounidense Butthole Surfers, publicado oficialmente o 27 de marzo de 1995 a través do selo Trance Syndicate.^[1] Todos os temas foron compostos polo grupo agás "Come Together" dos Beatles e "Hurdy Gurdy Man" de Donovan.

O disco foi lanzado orixinalmente en CD no ano 1994 polo selo de bootlegs Totonka Records. Un seguidor da banda recompilara o material que ofrece unha mestura de demos de estudo e gravacións en directo, así como unha parte dunha entrevista radiofónica.^[1] Á banda gustoulle a colección o suficiente como para que o reeditaran a través de Trance Syndicate en 1995, empaquetándoo cun adhesivo de Butthole Surfers xunto con ela.

As dúas demos, "Butthole Surfer" e "Something," foron gravadas en 1983. Dos temas ao vivo, catro graváronse en 1985, tres en 1986, dous en 1988, un en 1989 e 1991, e tres en 1993.

A entrevista foi gravada na emisora WNYU de Nova York o 28 de xullo de 1987. Todos os membros dese período están presentes, incluíndo Gibby Haynes, Paul Leary, King Coffey, Teresa Nervosa e Jeff Pinkus.

The Hole Truth... and Nothing Butt é o terceiro dos tres álbums de Butthole Surfers que inclúe imaxes de pallasos na portada, sendo os outros Live PCPPEP de 1984 e Locust Abortion Technician de 1987. As ilustracións de pallasos da portada deste álbum son versións combinadas e re-coloreadas dos debuxos lineais das portada e contraportada de Live PCPPEP.

1. ↑ ^{1,0 1,1} "The Hole Truth...and Nothing Butt - Butthole Surfers". AllMusic (en inglés). Consultado o 2024-06-22.