Veraudunus

Veraudunus é un deus celta coñecido por dúas inscricións votivas atopadas en Luxemburgo. Unha desas inscricións suxire que ‘Veraudunus’ pode ser un epíteto do importante deus dos tréveros Lenus Marte. En ámbolas inscricións, Veraudunus é invocado xunto con Inciona.

Na pedra altar de Mensdorf, Widdebierg, o deus Veraudunus (DEO VERAVDVNO) e Inciona son invocados na honra da familia imperial en cumprimento do voto feito por Marcus Pl(autius?) Restitutus' nai Alpinia Lucana.^[1]

A segunda inscrición é unha pequena placa de bronce de Kaul en Luxemburgo, onde se le:

[LE]NO MAR[TI]
VERAVDVN(O) ET
INCION(A)E MI
[L]ITIVS PRIS
CINVS EX VOT(O)

As letras NO MAR poden significar Leno Marti, polo que ‘Veraudunus’ sería un epíteto de Lenus Marte,^[1] o protector tribal dos tréveros que habitaron no actual Luxemburgo.^[2]

1. ↑ ^{1,0 1,1} Musée d'histoire et d'art, Luxembourg. 1974. Pierres sculptées et inscriptions de l'époque romaine, catalogued by Eugénie Wilhelm, p.71.
2. ↑ William van Andringa (2002). La religion en Gaule romaine : Piété et politique (I^er-III^e siècle apr. J.-C. Editions Errance, Paris.