Nausori

Nausori, Fiji ke Viti Levu island ke east me ek town hae. Ii town Suva se 19 kilometer duur hae aur iske population 21,645 (1996 census) hae.

Nausori suruu me Baulevu ke paas Naduruloulou me banaa raha. Baad me, jahan ab town hae, ek ganna ke mill ke kinare banaa rahaa. Ii mill 1881 se lae ke 1959 talak chala. Abhi mill ke jagha ek rice mill hae. Nausori me ek International airport bhi hae jiske log Suva jae khatir kaam me lae hae.

Nausori ke 1931 me town banawa gais rahaa. Nausori Town Council me 12 member hae jon ke har tiin saal chuna jae hae. Ii 12 me se har saal ek ke mayor chuna jae hae. Abhi ke mayor Vikash Singh hae. 2006 me ek nawaa pul Rewa nadii ke uppar Nausori ke Suva se jorre khatir banaa.^[1].

1. ↑ "Fletcher Construction website". Archived from the original on 2008-10-14. Retrieved 2008-06-09.