T.I.

T.I.
T.I.-ը 2012 թվականի սեպտեմբերի 21-ին
Հիմնական տվյալներ
Ի ծնե անուն	Քլիֆորդ Ժոզեֆ Հարիս կրտսեր
Նաև հայտնի է որպես	TIP և T.I.P.
Ծնվել է	սեպտեմբերի 25, 1980(1980-09-25)[1][2][3] (44 տարեկան) Ատլանտա, Ջորջիա
Երկիր	ԱՄՆ
Ժանրեր	Հիփ հոփ
Մասնագիտություն	Ռեփեր, երաժշտական պրոդյուսեր, դերասան
Գործիքներ	Վոկալ
Գործունեություն	2000-ներկա
Լեյբլ	ներկայիս` Grand Hustle Records, Roc Nation, King Inc նախկին` Arista Records, Ghet-O-Vision, LaFace, Atlantic Records, Columbia Records
Կապված	Իգի Ազալիա, Լիլ Ուեյն, Ջասթին Թիմբերլեյք, Ֆարել Վիլյամս, Յանգ Ջիզի, B.o.B, DJ Drama, P$C
Ամուսին	Tameka Cottle?
Պարգևներ	«Գրեմմի» մրցանակ լավագույն մեղեդիական ռեփ կատարման համար American Music Award for Favorite Rap/Hip-Hop Artist? American Music Award լավագույն ռեփ/հիփ հոփ ալբոմի համար BET Awards «Հանդիսատեսի ընտրություն» անվանակարգում BET Award for Best Male Hip-Hop Artist? BET Award for Best Male Hip-Hop Artist? «Գրեմմի» մրցանակ լավագույն ռեպ մենակատարման համար «Գրեմմի» մրցանակ դուետի կամ խմբի կողմից լավագույն ռեփ կատարման համար և MTV Video Music Award for Best Male Video?
Կայք	trapmuzik.com
T.I. Վիքիպահեստում

Քլիֆորդ Ժոզեֆ Հարիս կրտսեր (անգլ.՝ Clifford Joseph Harris Jr., սեպտեմբերի 25, 1980(1980-09-25)^[1][2][3], Ատլանտա^[3]), ավելի հայտնի է որպես T.I. (նախկինում նաև T.I.P.), ամերիկացի ռեփեր, երաժշտական պրոդյուսեր և դերասան։ Նա իր երաժշտական կարիերան սկսել է 2001 թվականին՝ իր ընկերների հետ հիմնադրելով P$C խումբը։ Նույն տարվա հոկտեմբերի 9-ին նա թողարկել է իր «I'm Serious» կոչվող անհատական դեբյուտային ստուդիական ալբոմը։ 2003 թվականին T.I.-ը հիմնադրում է իր Grand Hustle Records սեփական ձայնագրման ստուդիան, իսկ նույն տարվա օգոստոսի 19-ին թողարկվում է նրա երկրորդ ստուդիական ալբոմը, որը կրում է «Trap Muzik» անվանումը։ Այդ ալբոմը նրան ավելի մեծ ճանաչում է տալիս և Billboard 200 ալբոմների հիթ շքերթում 4-րդ հորիզոնականն է զբաղեցնում։ 2004 թվականի նոյեմբերի 30-ին T.I.-ը թողարկում է իր «Urban Legend» կոչվող երրորդ ստուդիական ալբոմը, երկու տարի անց՝ 2006 թվականի մարտի 28-ին, նա թողարկում է «King» անվանումը կրող չորրորդ ստուդիական ալբոմը, որը գլխավորում է Billboard 200 հիթ շքերթը և առաջին շաբաթում գրանցում է կես միլիոնից ավել օրինակի վաճառք։ 2007 թվականի հուլիսի 3-ին թողարկվում է T.I.-ի հինգերորդ ստուդիական ալբոմը՝ «T.I. vs. T.I.P.»-ը, որը նույնպես որը գլխավորում է Billboard 200-ը և իր թողարկման առաջին շաբաթում ունենում է 468,000 օրինակի վաճառք։ 2008 թվականի սեպտեմբերի 26-ին «Paper Trail» ալբոմը թողարկվում է և դառնում է T.I.-ի վեցերորդ ստուդիական ալբոմը։ Այդ ալբոմը իր թողարկման առաջին երեք օրերի ընթացքում ավելի քան 357,000 օրինակ վաճառք է գրանցում Միացյալ Նահանգներում, իսկ այնուհետև գլխավորում է Billboard 200 ալբոմների հիթ շքերթը։

2010 թվականի դեկտեմբերի 7-ին թողարկվում է նրա «No Mercy» կոչվող թվով յոթերորդ ստուդիական ալբոմը։ Այդ ալբոմը ի տարբերություն նախորդ ալբոմների, Billboard 200 մտավ 4-րդ հորիզոնականով և 159,000 օրինակ վաճառք ունեցավ։ Երկու տարի անց՝ 2012 թվականի հոկտեմբերի 18-ին, T.I.-ը թողարկվում է «Trouble Man: Heavy Is the Head» անվանումը կրող ութերորդ ստուդիական ալբոմը, որը թողարկման առաջին շաբաթում 179,000 օրինակ վաճառք է ունենում և Billboard 200 ալբոմների հիթ շքերթ է մտնում 2-րդ հորիզոնականով։ 2014 թվականի հոկտեմբերի 21-ին թողարկվել է «Paperwork» կոչվող նրա թվով իներորդ ստուդիական ալբոմը։ Այն առաջին շաբաթվա 80,000 օրինակ վաճառքով, Billboard 200-ում զբաղեցնում է 2-րդ հորիզոնականը։

T.I.-ը տասնյակ մրցանակների դափնեկիր է։ Նա բազմաթիվ անգամներ առաջադրված է եղել Գրեմմի մրցանակի, սակայն հաղթել 3 անգամ։

1. ↑ ^{1,0 1,1} Discogs — 2000.
2. ↑ ^{2,0 2,1} Internet Broadway Database — 2000.
3. ↑ ^{3,0 3,1 3,2 3,3} https://hedendaagsesieraden.nl/2024/04/06/t-i/