Ave

Aves Rango fossile: Cretaceo – Presente 72–0 Ma preꞒ Ꞓ O S D C P T J K Pg N [1][2][3][4][5]
Classification scientific
Dominio: Eukaryota Regno: Animalia Subregno: Bilateria Phylo: Chordata Superclasse: Tetrapoda (sin rango) Amniota Classe: Sauropsida (sin rango) Archosauria Superlegion: Avemetatarsalia Legion: Dinosauria Sublegion: Theropoda (sin rango) Avialae
Cohorte
Aves Linnaeus, 1758
Clados:
Palaeognathae Struthionimorphae Notopalaeognathae Neognathae Pangalloanserae Neoaves

Un ave es un animal vertebrate endothermic (de sanguine calide) bipede, generalmante alate, e ponente ovos. Aves moderne es characterisate per plumas, un becco sin dentes, ovos rigide, un metabolismo alte, un corde de quatro cameras, un skeleto que es leve e forte, e systemas de digestion e respiration que es multo efficiente. Il ha cerca 10'000 species de ave que vive hodie in tote partes del mundo, del Arctic al Antarctic. Aves varia in grandor de 5 cm (como Mellisuga helenae) al 2.7 m (como le avestruthio). Le majoritate de aves pote volar, con un pauc exceptiones notabile como ratites, pinguines, e un species insular endemic. Alcun aves, specialmente corvidos e papagais, es inter le plus intelligente species animal; un specie de ave ha essite observate creante e usante utensiles, e plure species social monstra transmission cultural de cognoscentia trans generationes.

Plure species face longe migrationes annual, e plure alteres face movimentos plus breve e irregular. Aves es social. Illes se communica con signales visual, per vocationes, e cantos avian; similarmente, aves face costumes social como propagar se, chassar, gregar, e assaltar como gruppos. Le majoritate de species de aves es monogame, usualmente per un station, ma rarmente per tote lor vitas. Ovos es usualmente ponite in un nido e incubate per lor parentes. Plure aves habe un periodo de attention parental depost del covata.

Plure species de ave es de importantia economic, specialmente como un fonte de alimento. Alcun species, specialmente illes que canta e papagais, es popular como animales domestic. Altere usages economic include le recolta de lor guano como un fertilisante. Aves es prominente in le cultura human, de mythologia a religion a poesia a musica popular. Ma gratias a iste importantia economic, circa 120 species ha essite facite extincte como un resultato del activitate human depost del seculo 17 e circa 1'200 species de ave es menaciate de extinction.

1. ↑ "Late Cretaceous neornithine from Europe illuminates the origins of crown birds" (March 2020). Nature 579 (7799): 397–401. doi:10.1038/s41586-020-2096-0. ISSN 0028-0836. PMID 32188952. Bibcode: 2020Natur.579..397F. 
2. ↑ "The unexpected survival of an ancient lineage of anseriform birds into the Neogene of Australia: the youngest record of Presbyornithidae" (February 2016). Royal Society Open Science 3 (2): 150635. doi:10.1098/rsos.150635. PMID 26998335. Bibcode: 2016RSOS....350635D. 
3. ↑ Yonezawa, T. (2017). "Phylogenomics and Morphology of Extinct Paleognaths Reveal the Origin and Evolution of the Ratites". Current Biology 27: 68–77. doi:10.1016/j.cub.2016.10.029. PMID 27989673. 
4. ↑ "An unbiased molecular approach using 3'UTRs resolves the avian family-level tree of life" (2020). Molecular Biology and Evolution 38: 108–127. doi:10.1093/molbev/msaa191. PMID 32781465. PMC:7783168. 
5. ↑ "Interpreting the fossil record and the origination of birds" (2022). bioRxiv. doi:10.1101/2022.05.19.492716.