Pantheon celtic

Pantheon celtic
subclasse de: deitate[*]
parte de: Celtic mythology[*]
Commons: Celtic deities

Le pantheon celtic es le summa de deitates venerate per le celtas. Il es possibile distinguer le pantheones irlandese e gallese, que on trova in litteratura medieval, de cello del antique celtas que es descripte per autores grec e roman e cuje restos archeologic son trovate trans un grande parte del Europa continental.

Il non habeva un sol pantheon celtic, ma varie traditiones national e regional. Post le conquestas roman del territorios celtic, nasceva un syncretismo religiose romano-celtic characterisate per le cohabitation de divinitates indigena e introducte, le identification duple de deos (como Apollon Granno, cuje prime nomine es grec e latin e cuje secunde nomine es gallic), e le «maritage» de deos roman con deas celtic (como Mercurio e Rosmerta).

Le deos celtic infra son typic:

• un deo a cornos de cervo (denominate Cernunnos a Paris)
• deos curative associate con le sol e/o con fontes thermal (como Belenos, Granno o Borvon secundo le region, identificate in tote le casos con Apollon)
  • su paredra Sirona, un dea de sanitate accompaniate per un serpento
• le dea equin, Epona
• deas de aquas sacre, como pro exemplo Sequana (dea del fluvio Seine)
• deas matres qui appare sovente in forma triplice o duple (appellate le Matronas, le Matres, etc.)
• un deo celeste qui porta un rota (le Jupiter celtic)
• un deo cuje figura es sovente triplice e porta le attributos de Hermes (le Mercurio celtic)
  • su paredra Rosmerta, qui porta sovente un cornucopia
• un deo trenchator de arbores (denominate Esus a Paris)
• un deo martial qui patronisa le protection del tribo e le curation (le Marte celtic, identificate con Toutatis)
• un deo a martello (denominate Sucello o Silvano secundo le region)
  • su paredra Nantosuelta, portator de un typo de sceptro
• un deo de eloquentia, armate de un fuste (Ogmios, un Hercules celtic)
• un tauro a tres cornos e/o a tres aves (denominate Tarvos Trigaranus a Paris)
• un serpento a cornos de ariete

Le deitates roman Mercurio, Marte, Jupiter, Apollon, Juno, Fortuna, Minerva, Venus, Diana e Mithras habeva omnes cultos importantissime in Gallia e le altere regiones celtic.