Sudan del Sud

Sudan del Sud
Bandiera Scuto de armas
Hymno: South Sudan Oyee!
Nomine native	Republic of South Sudan, جمهورية جنوب السودان, South Sudan, جنوب السودان
Classe	stato soveran[*], pais sin accesso al mar[*], pais
Pais	Sudan del Sud
Capital	Juba
Population	12 575 714
Area	644 329 km²
Coordinatas	7°N, 30°E
Linguas official	anglese, arabe
Fuso horari	UTC+02:00[*], Africa/Juba[*]
Codice telephonic	+211
Valuta	South Sudanese pound[*], Sudanese pound[*]
Dominio de Internet	.ss[*]
ISO 3166-1 alpha-2	SS
ISO 3166-1 alpha-3	SSD
ISO 3166-1 numeric	728
Codice IOC	SSD
Geonames ID	7909807
Wikimedia Commons Category South Sudan

Le Republica de Sudan del Sud (o Sud-Sudan)^[1][2] (anglese: Republic of South Sudan) es un pais sin litore in le est de Africa. Juba es le citate capital. Confinate al est con Ethiopia, al sud con Uganda, Kenya e le Republica Democratic del Congo, al west con le Republica Centroafrican e al nord con le Republica de Sudan,^[3] Sud-Sudan deveniva un nation independente le 9 de julio 2011 in consequentia de un referendo in januario 2011. Ante independentia, illo era duo veces un region autonome in Sudan (1972-1983 e 2005-2011). Salva Kiir Mayardit es le prime presidente del independente pais.^[4]

Inter 1899 e 1956, Sudan del Sud faceva parte del condominio del Sudan Anglo-Egyptian. Le anglese es le lingua official del pais, e on usa un lingua creol a base lexic arabe como lingua franc parlate. Un importante proportion del populo es de confession christian. Iste facto, e le differentia ethnic inter le populos «nigre» del sud e le arabes del nord, contribueva a duo guerras civil inter le nord e le sud (1955-1972 e 1983-2005) que precedeva le concessiones de autonomia. Le secunde guerra civil esseva in opposition al actual regime islamista in Khartoum.

Sudan del Sud es un pais verde e tropical, coperte de forestes, praterias e paludes (includente le enorme Sudd o Bahr el Jabal), e aquate per le Nilo Blanc. In le pais se trova grande populationes de antilopes, bufalos, elephantes, girafas, e leones; le reservas silvestre son le domicilio de simias como le chimpanze.

Sudan del Sud es le prime pais african a devenir independente sin haber essite un colonia a parte. Ben que alcun elites african time que le independentia de Sudan del Sud deveni un precendente in altere paises del continente,^[5] le recognition del independentia sud-sudanese per paises african e le Union African ha essite signalate in avantia.^[6] Sudan del Sud ha devenite le 54^me stato membro del Union African le 27 de julio 2011.^[7]

Le gruppos ethnic include le populos dinka, nuer, shilluk e acholi.

1. ↑ Derivation: Entitates: 1. (it) Sudan del Sud || 2. (es) Sudán del Sur || (pt) Sudão do Sul || 3. (fr) Soudan du Sud || 4. (en) South Sudan || Controlo: (de) Südsudan || (ru) Южный Судан || - (Extra): (la) Sudania Australis
2. ↑ Le Sudan recognocse le Republica de Sud-Sudan (francese). Euronews (2011-07-08). Archivo del original create le 2011-07-11. Recuperate le 1011-07-09.
3. ↑ Aotearoa. Carta Administration del Republica de Sud-Sudan (polonese). Recuperate le 2011-07-09.
4. ↑ Republica de Sud-Sudan deveni le plus nove nation in le munde (anglese). AlJazeera (2011-07-09). Recuperate le 2011-07-09.
5. ↑ South Sudan: exception or precedent? (anglese). Royal African Society (2008). Archivo del original create le 2011-07-14. Recuperate le 9 de julio 2011.
6. ↑ The African Union Applauds the Success of the Referendum in Southern Sudan (anglese). Union African (9 de februario 2011). Archivo del original create le 2012-03-01. Recuperate le 9 de julio 2011.
7. ↑ L'Union africaine accueille le Sud-Soudan en tant que 54e État membre de l'Union (francese). Union African (27 de julio 2011). Archivo del original create le 2012-11-14. Recuperate le 31 de julio 2011.