Baybay Chukchi

Ti Bayaby Chukchi (Ruso: Чуко́тское мо́ре, IPA: [tɕʊˈkotskəjə ˈmorʲə]) ket ti pingir a baybay ti Taaw Artiko. Daytoy ket nabeddengan iti laud babaen ti Lingsat De Long, idiay asideg ti Isla Wrangel, ken iti daya babaen ti Punto Barrow, Alaska, ken iti labesna ket mabirukan ti Baybay Beaufort. Ti Lingsat Bering ket mangporma ti akin-abagatan unay a patingga ken mangikapet daytoy iti Baybay Bering ken ti Taaw Pasipiko. Ti kangrunaan a puerto ti Baybay Chukchi ket ti Uelen idiay Rusia. Ballasiwen ti Internasional a Linia ti Petsa ti Baybay Chukchi manipud iti amianan a laud aginggana ti abagatan a daya. Daytoy ket maiyallatiw nga agpadaya tapno maliklikan ti Isla Wrangel ken ti pay Chukotka Autonomo nga Okrug idiay nangruna a daga ti Rusia.