Our website is made possible by displaying online advertisements to our visitors.
Please consider supporting us by disabling your ad blocker.
Cucurbitales
| Cucurbitales | |
|---|---|
| |
Taksonomia 
| |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Klado: | Fabids |
| Urnos: | Cucurbitales Juss. ex Bercht. & J.Presl[1] |
| Dagiti pamilia | |
| |
| Kapada a nagan | |
| |
Ti Cucurbitales ket dagiti urnos dagiti agsabsabong a mula a mairaman dagiti grupo ti rosid dagiti dicotyledon. Kaaduan a maitagikua daytoy nga urnos kadagiti tropikal a lugar, nga adda met dagiti limitado a kaadda kadagiti subtropiko ken temperado a rehion. Mangiraman ti urnos dagiti bassit a kayo ken dagiti kayo, maikuyogda pay kadagiti hierba ken dagiti agkalkalatkat. Ti maysa a nangruna pakailasinan dagiti Cucurbitales ket ti kaadda dagiti uniseksual a sabong, kaaduan ti pentasikliko, nga addaan kadagiti napuskol a natirad a petalio.[2] Kadawyan a maaramid ti polinasion babaen dagiti insekto, ngem adda pay ti polinasion iti angin (iti Coriariaceae ken Datiscaceae).
Buklen ti urnos dagiti agarup a 2600 a sebbangan kadagiti walo a pamilia. Dagiti kadakkelan a pamilia ket ti Begoniaceae pamilia ti begonia) nga agraman kadagiti agarup a 1500 a sebbangan ken ti Cucurbitaceae (pamilia ti tabungaw) nga agraman kadagiti agarup a 900 a sebbangan. Mangiraman dagitoy dua a pamilia dagiti dua a nangruna a mula iti ekonomia. A naipangpangruna ti Cucurbitaceae (pamilia ti tabungaw) a mangiraman kadagiti makan a sebbangan, a kas ti karabasa, pumpkin (isuda a dua manipud iti Cucurbita), sandia (Citrullus vulgaris), ken pipino ken dagiti melon (Cucumis). Maamuan dagiti Begoniaceae para kadagiti hortikultural a sebbanganda, kadagitoy ket sumurok a 130 nga agraman pay kadagiti adu a karuay
- ^ Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III". Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x. Naiyarkibo manipud iti kasisigud idi 2017-05-25. Naala idi 2019-02-07.
- ^ Matthews ML, Endress PK (2004). "Comparative floral structure and systematics in Cucurbitales (Corynocarpaceae, Coriariaceae, Tetramelaceae, Datiscaceae, Begoniaceae, Cucurbitaceae, Anisophylleaceae)". Botanical Journal of the Linnean Society. 145 (2): 129–185. doi:10.1111/j.1095-8339.2003.00281.x.
Previous Page Next Page
