Our website is made possible by displaying online advertisements to our visitors.
Please consider supporting us by disabling your ad blocker.
Dhaka
Dhaka
ঢাকা | |
|---|---|
  Dhaka Lokasion ti Dhaka, Bangladesh | |
| Nagsasabtan: 23°42′N 90°22′E / 23.700°N 90.367°ENagsasabtan: 23°42′N 90°22′E / 23.700°N 90.367°E | |
| Pagilian | Banglades |
| Pannakabingbingay | Dhaka a Pannakabingbingay |
| Distrito | Distrito ti Dhaka |
| Pannakabangon | 1608 CE |
| Pannakasiudad | 1947 |
| Kalawa | |
| • Kapitolio a Siudad | 360 km2 (140 sq mi) |
| • Danum | 48.56 km2 (18.75 sq mi) |
| Kangato | 4 m (13.12 ft) |
| Populasion (2008)[2] | |
| • Kapitolio a Siudad | 7,000,940 |
| • Densidad | 23,029/km2 (59,640/sq mi) |
| • Metro | 12,797,394 |
| • Demonimo | Dhakaiya wenno Dhakaite |
| • Gatad ti pannakaammo ti panagsurat ken panagbasa | 62.3% |
| Sona ti oras | UTC+6 (BST) |
| Kodigo ti koreo | 1000, 1100, 12xx, 13xx |
| Kodigo ti Nailian a Panagtawag | +880 |
| Kodigo ti telepono | 02 |
| Website | Opisial a Website Dhak |
Ti Dhaka (Bengali: ঢাকা, Panangibalikas a Bengali: [ˈɖʱaka]; dati a naipaletra ti Dacca,[4] nagnagan ti Jahangirnagar[5] idi las-ud ti Mughal a panawen) ket isu ti kapitolio ti Banglades ken ti kangrunaan a siudad ti Dhaka a Pannakabingbingay. Ti Dhaka ket maysa a megasiudad ken maysa kadagiti kangrunaan a siudad idiay Abagatan nga Asia. Daytoy ket mabirukan idiay igid ti Karayan Buriganga. Ti Kalatakan Dhaka a Lugar ket addaan iti populasion iti agarup a 17 a riwriw manipud iti senso idi 2011, a mangaramid daytoy a primiero a siudad ken metropolitano lugar iti Banglades.[2] Daytoy ket isu ti maika-9 a kadakkelan a siudad iti lubong [6] ken ti pay maika-28 kadagiti kapusekan ti populasion kadagiti siudad iti lubong. Ti Dhaka ket ammo a kas ti Siudad dagiti Meskita[7] ken adda dagiti 400,000 a siklo a rickshaw nga agpatpataray kadagiti kalsadana ti inaldaw, ti siudad ket naipalpalawag pay a kas ti Kapitolio ti Kareton iti Lubong.[8]
Babaen ti panagturay ti Mughal idi maika-17 a siglo, ti siudad ket ammo a kas ti Jahangir Nagar.[5] Daytoy iti probinsial a kapitolio ken ti maysa a sentro ti sangalubongan a panagltagilako ti koko. Ti moderno a siudad, nupay kasta, ket nnagruna a naparang-ay idi babaen ti Britaniko a turay idi maika-19 a siglo, ken nagbalin nga isu ti maikadua a kadakkelan a siudad idiay Bengal kalpasan ti Calcutta (iti agdama ket ti Kolkata). Kalpasan ti Pannakabingay ti Bengal idi 1905, ti Dhaka ket nagbalin a kapitolio ti baro a probinsia ti Akin-daya a Bengal ken Assam ngem napukawna daytoy a kasasaad a kas maysa a probinsial a kapitolio kalpasan ti pannakawaswas ti pannakabingay idi 1911. Kalpasan ti pannakabingay ti India idi 1947, ti Dhaka ket nagbalin a ti administratibo a kapitolio ti Daya a Pakistan, ken kalpasan daytoy, idi 1971, ti kapitolio ti nawaya a Banglades. Idi laud dagiti simmarsaruno a paset ti panawen, ti siudad ket nakakita kadagiti sapsapsap riribuk; daytoy ket mairaman kadagiti adu a panagipang-al ti linteg militar, ti pannakairangarang ti panagwayawayas ti Banglades, panagparukma ti militar, dagiti pannakadadael idi las-ud ti gubat, ken dagiti masna a didigra.
Ti moderno a Dhaka ket isu ti sentro ti politika, kultura ken ekonomia a biag idiay Banglades.[9] Urayno ti bukodna nga urbano nga inprastruktura ket isu ti karang-ayan iti pagilian, ti Dhaka ketagsagsabagaba manipud kadagiti urbano a parikut a kas ti karugitan ken kaadu unay ti populasion. Kadagiti kaudian a dekada, ti Dhaka ket nakakita ti pannakabaro ti pagluganan, pannakisinnarita ken dagiti publiko nga obra. Ti siudad ket makaawawis kadagiti gangganaet nga agpupuonan ken dagiti ad-adu a tomo ti komersio ken panaglaklako. Daytoy ket makasansanay pay kadagiti adu nga iyuumay ti tattao manipud iti amin a paset ti pagilian, daytoy ket naireporta a nakaaramid ti Dhaka ti kapardasan a dumakdakkel a siudad iti lubong.[10]
- ^ "Dhaka, Banglades a Mapa". National Geographic Channel. Naala idi 2009-09-06.
- ^ a b "Statistical Pocket Book, 2008" (PDF). Opisina ti Estadistika ti Banglades. Naiyarkibo manipud iti kasisigud (PDF) idi 2010-11-21. Naala idi 2009-08-15.
- ^ The Daily Star Web Edition Vol. 5 Num 234. Thedailystar.net (2005-01-19). Naala idi 2010-12-18.
- ^ "PAKISTAN: Dacca, Siudad ti Natay". Time. Mayo 3, 1971. Naiyarkibo manipud iti kasisigud idi 2013-08-27. Naala idi 15 Nobiembre 2011.
- ^ a b "Maipanggep ti Dhaka". btd. Naiyarkibo manipud iti kasisigud idi 2013-01-15. Naala idi 15 Nobiembre 2011.
- ^ Banko ti Lubong (Hulio 30, 2010). Estratehia a Panagtulong ti Pagilian para iti Republika ti Tattao ti Banglades par aiti Paset ti Panawen ti FY11-14, panid 4.
- ^ "amin a maipanggep ti siudadmi". Dhaka City. Naiyarkibo manipud iti kasisigud idi 2013-05-22. Naala idi 2010-05-08.
- ^ Lawson, Alastair (2002-10-05). "Dhaka's beleaguered rickshaw wallahs". BBC News. Naala idi 2009-09-19.
- ^ "Pakaammuan ti Presio dagiti Kammasapulan a Tagilako" (php) (iti Bengali). Nailian a Portal ti SApot a Pagsaadan, Gobierno ti Banglades. Naala idi 2009-02-27.
- ^ "Peggad idiay Dhaka, ti kapardasan a dumakdakkel a siudad iti lubong". BBC News. 2010-07-07.
Previous Page Next Page
