Luek ti Fundy

Ti Luek ti Fundy (Pranses: Baie de Fundy) ket ti luek idiay aplaya ti Atlantiko ti Amianan nga Amerika, idiay amianan a daya a patingga ti Golpo ti Maine iti pagbaetan dagiti probinsia ti Kanada ti New Brunswick ken Nova Scotia, nga adda met ti bassit a paset a mangsagid ti estado ti Estados Unidos ti Maine. Adda met dagiti taudan a namatmati a ti nagan a "Fundy" ket ti pannakadadael ti Pranses a balikas ti "Fendu", a ti kayatna a sawen ket "nagudua",^[1] bayat a dagiti dadduma ket namatmati a nagtaud manipud iti Portuges ti funda, a kayatna a sawen ket "adalem".^[2] Ti luek ket nanaganan pay idi ti Baie Française (Luek Pranses) babaen ni eksplorador/kartograpo Samuel de Champlain idi las-ud ti ekspedision ti 1604 nga indauluan babaen ni Pierre Dugua, Sieur de Monts a nagresultaan ti napaay a panagpadas iti pagtaengan idiay Isla Saint Croix.