Our website is made possible by displaying online advertisements to our visitors.
Please consider supporting us by disabling your ad blocker.
Otto Dempwolff
| Otto Dempwolff | |
|---|---|
 | |
| Nayanak | 25 Mayo 1871 Pillau, Probinsia ti Prussia |
| Natay | 27 Nobiembre 1938 (tawen 67) Hamburg |
| Akademiko nga obra | |
| Disiplina | Lingguista, antropologo |
| Sub-disiplina | Sasao nga Austronesio |
Ni Otto Dempwolff (25 Mayo 1871 iti Pillau, Probinsia ti Prussia – 27 Nobiembre 1938, iti Hamburg) ket maysa idi nga Aleman a mangngagas, lingguista ken antropologo nga espesialista iti panagadal iti pamilia ti pagsasao nga Austronesio.
Kaunaan a nagsanay a kas maysa a mangngagas, nangrugi ni Dempwolff iti lingguistiko a panagsukisokna bayat a nagserserbi a kas maysa a mangngagas kadagiti kolonia ti Alemania iti Aleman a Baro a Guinea ken Aleman a Daya nga Aprika. Babaen ti panangisursuro ni Carl Meinhof, inrugina ti akademiko a pagsapulanna iti Hamburgisches Kolonialinstitut, a kanungpalan a nagbalin a parte ti Unibersidad ti Hamburg. Idi 1931, pinundarna ti "Seminar für indonesische und Südseesprachen" (Seminar para iti Indones ken dagiti Pagsasao ti Baybay Abagatan), nga indauluanna aginggana idi pimmusay idi 1938.[1][2] Naidutok pay isuna iti "Königlich Preußische Phonographische Kommission" (Komision ti Naarian a Prusiano a Ponorapiko) para iti kalaingna iti medisina, ken kas pay dagiti pagsasao ti Aprika ken Indonesia. Ti panggep idi ti komision ke ti mangirehistro dagiti agarup a 250 a pagsasao nga insasao babaen dagiti balud kadagiti kampo ti Aleman kadagiti balud ti gubat iti Maikadua a Gubat ti Sangalubongan.[3] Ti obra maestrana iti Vergleichende Lautlehre des austronesischen Wortschatzes (Komparatibo a ponolohia dagiti bokabulario ti Austronesio) (1934–1937) ket isu idi ti immuna a sistematiko ken komprehensibo a rekonstruksion iti sistema ti uni ken bokabulario ti Proto-Austronesio.[1]
- ^ a b Blust, Robert (2013). The Austronesian Languages (iti Ingles) (revised nga ed.). Australian National University. hdl:1885/10191. ISBN 978-1-922185-07-5. P. 528–543.
- ^ Stolowsky, Alfred (1957). "Dempwolff, Otto". Neue Deutsche Biographie (iti Aleman). 3: 592.
- ^ Mahrenholz, Jürgen-K. (2020). "Südasiatische Sprach- und Musikaufnahmen im Lautarchiv der Humboldt-Universität zu Berlin". MIDA Archival Reflexicon (iti Aleman): 3.
Previous Page Next Page
