Sikiley

Sikiley Sicilia (ítalska) Sicilia (sikileyska)
Sjálfstjórnarhérað
Fáni Skjaldarmerki
Staðsetning Sikileyjar á Ítalíu
Hnit: 37°35′59.85″N 14°0′55.36″A / 37.5999583°N 14.0153778°A / 37.5999583; 14.0153778
Land	Ítalía
Höfuðborg	Palermo
Flatarmál
• Samtals	25.824 km2
Mannfjöldi  (2024)[1]
• Samtals	4.794.512
• Þéttleiki	190/km2
Tímabelti	UTC+01:00 (CET)
• Sumartími	UTC+02:00 (CEST)
ISO 3166 kóði	IT-82
Vefsíða	www.regione.sicilia.it

Sikiley (ítalska: Sicilia, sikileyska: Riggiuna Siciliana) er stærsta eyja Ítalíu, stærsta hérað landsins og stærsta eyjan í Miðjarðarhafinu. Eyjan nær yfir 25.426 ferkílómetra og er um einn tólfti hluti flatarmáls Ítalíu. Héraðið hefur nokkra sjálfstjórn sökum menningarlegrar sérstöðu. Höfuðstaður þess er borgin Palermó. Sikiley er rétt sunnan við syðsta odd Ítalíu, hið þrönga Messínasund skilur Sikiley frá meginlandinu. Á Sikiley búa um 4,8 milljónir manna en flatarmál eyjunnar er um fjórðungur af flatarmáli Íslands.^[1]

Fornleifar gefa til kynna að eyjan hafi verið byggð um 12.000 árum f.Kr. Eyjan hefur í gegnum söguna verið mjög mikilvæg vegna heppilegrar staðsetningar miðað við verslunarleiðir um Miðjarðarhafið.^[2] Eyjan var hluti af Magna Graecia og lýsti Cíceró borginni Sýrakúsu sem mestu og fallegustu borg Grikklands hins forna.

Á eyjunni er eldfjallið Etna sem er 3.329 metrar að hæð, stærsta virka eldfjall Evrópu og eitt það virkasta í heiminum.

1. ↑ ^{1,0 1,1} „Regione Sicilia“. tuttitalia.it (ítalska). Sótt 27 nóvember 2024.
2. ↑ (en) Piccolo, Salvatore (2018). Bronze Age Sicily. Ancient History Encyclopedia.^{[óvirkur tengill]}