Kapur

Kapur ya iku barang kang rupané putih kang duwèni tekstur alus lan digawé saka watu sedimén.^[1] Kapur bisa maujud watu kang kasusun saka mineral kalsium.^[1] Lumrahé kapur relatif kawujud ing pérangan njero sagara kanthi kaanan watu-watu kang ngandhut lempengan kalsium plates (coccoliths) kang kawujud déning mikroorganisme coccolithophores.^[1] Kapur lumrahé uga tinemu ing batu api lan chert kang ana ing kapur.^[1]

Watu kapur utawa kang diarani watu gamping kawujud saka pirang-pirang cara.^[2] Cara organik, cara mekanik, lan cara kimia.^[2] Watu kapur kang ana ing alam akèh-akéhé kawujud saka cara organik.^[2] Watu kapur jinis iki kawujud saka thothok utawa omah kerang lan bekicot, foraminifera utawa ganggang kang ngendhap.^[2] Kajaba iku uga kawujud saka kéwan-kéwan koral utawa kerang.^[2] Watu kapur rupané ana sing putih susu, klawu enom, klawu tuwa, coklat nganti ireng.^[2] Werna iki gumantung saka mineral kang nyusun watu kapur.^[2]

Mineral karbonat kang lumrahé tinemu ing gamping ya iku aragonit (CaCO3).^[2] Mineral iki kalebu mineral metastable.^[2] Diarani mineral metastable awit ing wektu kang tinamtu bisa malih dadi kalsit (CaCO3).^[2] Mineral liyané kang lumrahé tinemu ing watu kapur utawa dolomit ya iku Siderit (FeCO3), ankarerit (Ca2MgFe(CO3)4), lan magnesit (MgCO3).^[2] Nanging mineral iki tinemu kanthi jumlah mung sithik.^[2]

Kapur gunané bisa kanggo bahan yasan, indhustri karét, indhustri ban, dluwang, kanggo nggawé kapur tulis kang kena kanggo nulis ing papan tulis kang wernané ireng, lan liya-liyané.^[2] Indonésia kalebu nagara kang lemahé ngandhut kapur kang cacahé akèh lan sumebar ing meh kabéh pulo-pulo ing Indonésia.^[2] Nanging akèh-akéhé cadhanagn watu kapur ing nagara Indonésia manggon ing Sumatra Barat.^[2]

1. ↑ ^{a b c d} oase.kompas.com Archived 2011-06-25 at the Wayback Machine.(dipunundhuh tanggal 22 Juni 2011)
2. ↑ ^{a b c d e f g h i j k l m n o} tekmira.esdm.go.id Archived 2016-03-04 at the Wayback Machine.(dipunundhuh tanggal 22 Juni 2011)