Pizza

Pizza iku panganan kang asalé saka Italia. Panganan kang dibakar iki mèmper roti awujud pipih lan dhuwuré racaké didokoki barang-barang liya kang diarani topping ing basa Inggris. Topping dhasar racaké saus tomat lan kéju. Sawisé iku bisa diwèhi topping liyané kaya ta daging lan sayuran.

Pizza racaké ana rong modèl: pizza Italia lan pizza Amérika. Pizza Italia luwih tipis kamangka pizza Amérika luwih kandel.

Pizza dipangan panas-panas. Kerep dipangan karo sambel utawa saus Tabasco. Ing Tanah Jawa, jaman saiki uga akèh wong kang seneng pizza. Tembung "pizza" dijupuk saka basa Italia pizza (Alfabet Fonetik Internasional / International Phonetic Alphabet, IPA: [ˈpiːtsə]), racaké duwé teges "pai, kue, tart". Akèh kang kliru ngira yèn pizza iku asal saka tembung Italia kang tegesé phai (pie).