Siomay

Siomay
Siomai ala Kanton
Jeneng Cina
Cina Padatan	燒賣
Cina Prasaja	烧卖
Alih-aksara Mandharin Baku Hanyu Pinyin shāomài Yué: Kanton Jyutping siu1 maai6
Cithakan:Infobox Chinese/Vietnamese

Somay (Ind: siomai, siomay) kalebu salah siji jinis dim sum.^[1] Ing basa Mandharin, somay diarani shaomai.^[1] Ing basa Kwangtung siomai diarani siu maai.^[1] Ing carabasa Peycing (pinyin: Beijing), somay diarani shaomai lan ditulis 燒麥.^[1] Kulit somay méh padha kaya kulit pangsit.^[1] Somay asalé saka Mongolia Jero.^[1] Ing resep masakan Cina, somay yaiku daging babi kang diiris lan dibungkus kulit tipis.^[1] Kulit tipis iki digawé saka glepung utawa gandum.^[1] Somay uga digawé saka urang, daging pithing utawa daging sapi.^[1] Somay digawé kanthi wujud bumbung lan diwénéhi rerenggan kaya ta endhog, pithing, parutan wortel utawa kacang polong.^[1] Sawisé iku, somay banjur didang.^[1] Somay bisa dipangan nganggo cokak utawa kécap asin.^[1]

Ing Indonésia ana warna-warna wujud lan isi somay.^[2] Wiwit saka somay iwak tenggiri, daging pitik, urang, pithing, utawa campuran daging pitik lan urang.^[2] Bahan kang kanggo ngisi dicampur karo gandum utawa tapioka.^[2] Somay uga ora dibungkus kulit kang digawé saka glepung utawa gandum.^[2] Endhog pitik lan janganan kaya ta kenthang, peria, lan kul kanthi isi utawa tanpa isi disuguhaké ing piring bareng karo somay.^[2] Tahu bakso utawa tahu isi uga kalebu jinisé somay.^[2] Somay Bandhung disuguhaké sawisé diwénéhi saos kacang.^[2] Saos kacang iki digawé saka kacang brol kang dialuské nganggo banyu.^[2] Bumbu saos kacang yaiku lombok, gula pasir,bawang, uyah, lan cokak utawa jeruk kêcêr. Nalika disuguhaké, somay banjur diwénéhi tambahan kécap legi, sambel botolan, utawa saos tomat.^[2]

1. ↑ ^{a b c d e f g h i j k l} dictionary.reference.com(dipunundhuh tanggal 12 Juni 2011)
2. ↑ ^{a b c d e f g h i} Oxford Pocket Dictionary of Current English, Encyclopedia.com encyclopedia.com(dipunundhuh tanggal 12 Juni 2011)