Hindistan

भारत गणराज्य Bhārat Gaṇarājya
Komara Hindistanê
(Ala) (Nîşan)
Sirûda netewî: Jana Gana Mana
Zimanên fermî	Îngilîzî û hindî
Zimanên nefermî	Asamî, bengalî, bodo, dogrî, gujaratî, kannada, kaşmîrî, konkanî, maîthîlî, malayalam, manîpurî, marathî, nepalî, oriya, pencabî, sanskrît, santalî, sindhî, tamîl, telugû, ûrdû
Paytext	Delhiya Nû 28°34′Bk 77°12′Rh / 28.567°Bk 77.200°Rh / 28.567; 77.200
Bajarê mezin	Mumbaî
Sîstema siyasî	Komarî
- Serkomar  - Serekwezîr	Ram Nath Kovind Narendra Modi
Rûerd  - Giştî  - Av (%)	3.287.590 km2 9,5
Gelhe  - Giştî (2017)  - Berbelavî	1.326.572.000 kes 392,3 kes/km2
Serxwebûn	15ê tebaxê 1947, ji Brîtaniya Mezin
Dirav	Rupeeya hindistanî (INR)
Dem	UTC +5:30
Nîşana înternetê	.in
Koda telefonê	+91

Hindistan an jî bi fermî Komara Hindistanê (bi hindî: भारत गणराज्य, lat. Bhārat Gaṇarājya; bi inglîzî: Republic of India) welatek e li başûrê rojavayê Asyayê.

Hindistan piştî Çînê, ji aliyê gelheya xwe ango mirovên lê dijîn ve duyem mezintirîn welatê cîhanê ye. Ew herwiha duyem welatê mezin e bi berfirehiya xwe ya zemînî ango erdî ve. Li başûrê wê Okyanûsa Hindî, li başûr rojava Deryaya Erebî, li başûr rojhilat Kendava Bengalê, li bakur rojhilat Bûtan, Çîn û Nepal, li rojhilat jî Bengladeş û Myanmar hene, herwiha tixûbê wê li rojava bi Pakistan re heye. Bi tevahî dirêjahiya peravên Hindistanê 7.517 km ne.

Şaristaniya Geliyê Hindê herêmeke dîrokî ye ku di demên berê de navenda bazirganiyê û çandê bû. Gelek caran bûye navenda împeratoriyên dewlemend û bihêz ên cîhanê.^[1] Hindistan dergûşa çar dînên cîhanê (hinduîzm, budîzm, caynîzm û sîkhîzm) ye, herwiha zerdeştîtî li wir jiyan kiriye. Dînên mîna xiristiyanî û misilmantî heta sedsala dehan gihane axa Hindistanê.^[2]

Aboriya Hindistanê di cîhanê de ya nehem mezin e.^[3] Bi reformên aborî yên sala 1991ê rewşa aboriya Hindistanê gav bi gav bi pêş ket. Hindistan welatekî xwediyê çekên nûkleer e. Herwiha artêşa dewletê di cîhanê de artêşa mezin a çarem e.

Hindistan bi rêveberiya xwe ve komara federal e. Welat ji 28 parêzgeh û heft herêman pêk tê. Hindistan welatekî pirziman, pirçand û pirnetewe ye. Herwiha li Hindistanê herêmên habîtatên parastî yên jiyana hov hene.

1. ^ v=onepage&q&f=false Pirtûka Burton Stein a bi navê A History of India
2. ^ v=onepage&q&f=falsePirtûka Malik Mohamed a bi navê The foundations of the composite culture in India
3. ^ Agahî di derbarê aboriya welat de