Cesiom

Ensampel a	Elven gymyk, lithophile
Klass	alkan lisliwennek, alkan, stokk-s
Furvell gymyk	Cs
Dydhyas diskudhans	1860
Niver atomek	55
Aray an elektrons	[Xe] 6s¹, 1s² 2s² 2p⁶ 3s² 3p⁶ 4s² 4d¹⁰ 4p⁶ 5s² 5d¹⁰ 5p⁶ 6s¹
Elektronegedhegedh	0.79
Studh oksidyans	1
Rann a	bagas 1, period 6, alkan lisliwennek
Restrennow kelmys war Gemmyn Wikimedia

Elven gemyk ew cesiom, niver 55 e'n Vosen Beriodek. Y arwodh gemyk ew Cs. An hanow a dheu dhort an ger Latin caesius, ow styrya glaswydn, drefen liw y flabm. Nag ew cesiom dhe les an korf denel.

Diskudhys veu cesiom en 1860 en Heidelberg en Almayn. Gwres veu an ober gen Robert Bunsen (1811-1899), a dhevisas an losker Bunsen, ha Gustav Kirchoff (1824-1887), gen bryjyon 30,000 liter a dhowr moon.

Nag ew askorrys saw 20 tunnas a cesiom pub bledhen, gen an moyha radn ow tos dhort Kanada. Usys ew avel katalydh, rag gul gweder optykal, ha rag gul klockow atomek. Ema dhe dhroglabmow nuklerek hag arvow nuklerek livrys isotopow radyoweythresek dhe'n ayrgylgh. An cesiom-137 livrys gen droglabm Chernobyl eth dres [Europa]] West oll, owth effeythi bargenys tir deves en Alban ha Kembra.

Poos atomek cesiom ew 132.91 ha'y boynt teudhi ew 28°C ha'y boynt bryjyon ew 679°C. Y dhosedh ew 1.9kg an liter. Olkan medhel, golow, liw owr ew. Cesiom a dhasober gen dowr en fest garow. Usys ew 'herdhyoryon' (thrusters) cesiom rag lewa lorennow.