Gorsedh Kernow

Ensampel a	gorsedd
Dalleth/Fondya	1928
Penn an fondyans	Bardh Meur
Fondyer	Henry Jenner
Ragresegydh	Berdh Kernow kyns 1928
Pennplas	Kernow
Gwiasva	http://www.gorsethkernow.org.uk/
Restrennow kelmys war Gemmyn Wikimedia

Gorsedh Kernow (po Gorseth Kernow yn Kernewek Unyes) yw kowethyans rag avonsya studyans a'n yeth Kernewek ha rag downhe gnas keltek a Gernow. Yma kowethyansow haval yn Kembra a-dhia dermyn Iolo Morgannwg, hag yn Breten Vyghan a-dhia 1899. Aga darvos kres yw an kesstrivyans gonisogethek a hwer pub blydhen yn le arall dre "Gorsedh Igor", pan guntell an verdh oll warbarth. Henry Jenner a fondyas Gorsedh Kernow yn 1928 gans solempnytys yn Dons Meyn Bosskawen hag yth o ev an kynsa Bardh Meur. Kernewek Unys yw rannyeth soedhogol an Orsedh; mes ymons i owth aswonn kevrannow yn Kernewek Kemmyn ha Kernewek Diwedhes ynwedh. An Bardh Meur a-lemmyn yw Jenefer Lowe. Pub bardh a gemmer hanow bardhek yn Kernewek.

• Rag rol a verdh Kernewek berdhys kyns solempnyans Dons Meyn Bosskawen yn 1928, gweller Berdh Kernow kyns 1928.

Pewashes lies den ha bagas gans an Orsedh pub bledhen. A-dhia 1940 res veu pewas rag kesstrivyans lienek, ow komprehendya tri hlass, gwersyow, yeth plen po drama unn akt. A-dhia 1962 yn rag, an gwaynyer a gavas an Skala-Ros Mordon-Caradar, po rag gwersyow po yeth plen. Gwaynyer an kesstrivyans aral a gavas an Gwrys Kernewek.

Res yw an Pewas Map Trevethan gans Konsel an Orsedh dhe esel a Gowethas Kernewek omgefressys dhe Gowethas Kernewek Loundres 'Rag gonisogethow dhe Gernow gans den neb a drig tu ves a Gernow'. Skoos Kowethas Kernewek Loundres yw res dhe dhen 'Rag Gonisogeth Arbennik a-barth Kernow ha tus Gernewek'.