Vulpecula (ranneves)

Ensampel a	ranneves
Dydhyas diskudhans	1683
Rann a	hantergylgh nevek an gogledh
Restrennow kelmys war Gemmyn Wikimedia

Vulpecula ew konstellacyon (FSS (K) ranneves) gwadn en eborn an north. Styr y hanow ew 'lowarn bian'. Aswonys veu e'n kensa pres e'n 17ves kansvledhen. Nag eus steren moy golow ages an 4ves spladnvraster e'n constellacyon. Steren voyha golow an konstellacyon ew Alpha (Α) Vulpeculae, kowrsteren rudh, spladnvraster 4.4 gen pellder a 297 bledhen-wolow. Diskudhes veu an pulsar kensa (PSR B1919+21) en 1967 gen Jocelyn Bell Burnell en Vulpecula. An konstellacyon a gomprehend an 'Niwlen ster Pos Lifftya' po Dumbbell Nebula, niwlen ster veur diskudhys gen Charles Messier en 1767. Hi a gawas an niver M27 en rol y niwlednow ster.

Hanow kensa an kostellacyon o Vulpecula cum ansere, henwys en kensa gen Johannes Hevelius, po 'lowarn bian ha goodh'. Remembrys ew an hanow ma dhort hanow an steren voyha golow (A Vulpeculae), hebm yw 'Anser' po goodh.

Galaksi en Vulpecula ew NGC7052, gen shap hirgelghek, hag a gomprehend toll du kowrek gen gronnedh a 220-630 milvil weyth myns an Howl.

• 
  Niwlen ster Pos Lifftya (Dumbbell Nebula)
• 
  Mappa koth an konstellacyon Vulpecula cum anser
• 
  Galeth NGC7052, desedhys en Vulpecula (skeusen Pellweller Hubble)

Ma an erthygel ma usya an Furv Skrifys Savonek a-barth Kernowek diwedhes.