Aes rude

Aes rude est aes (aut cuprum purum) informe in massis servatum, quo populi mediae Italiae iam secundo millenio a.C.n. instar monetae utebantur ad valorem rerum aestimandum, antequam aes signare discerent. Aes rude valorem ex solo pondere ducebat : nec signum publicum enim nec ulla nota valoris ei imponebatur. Hic usus metallorum communis fuit plurimis populis : primo pretium rerum in pecudum capitibus vel alia re aestimabatur, mox pondere metallico ac postremo per nummos et veram monetam. Plinius Maior auctori Graeco Timaeo opinionem tribuit, tamquam Romani ante regem Servium Tullium aere rudi usi essent, quod confirmaverunt reperta archaeologica^[1].

• Aes (mixtura)
• Aes grave
• Aes signatum
• Pecunia Romana