Ars coquinaria Francica

Ars coquinaria Francica, Lutetiae aliisque in urbibus e gastronomia mediaevali evolvens, inter saecula XVII et XX per Europam necnon Americam borealem divulgata est.

Rem definiverunt saeculo XIX ineunte Grimod de la Reynière, Maria Antonius Carême, Ioannes Anthelmus Brillat-Savarin; medio fere saeculo confirmaverunt et per mundum divulgaverunt Alexander Dumas, Urbanus Dubois, Alexis Soyer, Iulius Gouffé aliique. Elaboraverunt saeculo XX ineunte et (si id dici potest) perfecerunt Augustus Escoffier, Prosper Montagné; eodem aevo gastronomiam regionalem celebrare coeperunt Curnonsky, Montagné, Marcellus Rouff, Augustinus de Croze; artem coquinariam modestiorem Eduardus de Pomiane praeter alios favebat.

Artem coquinariam Francicam scholae plures docent, inter quas Vitta Azurea (Le Cordon Bleu), Institutum Pauli Bocuse.