Our website is made possible by displaying online advertisements to our visitors.
Please consider supporting us by disabling your ad blocker.
Bartholomaeus Platina
Bartholomaeus PlatinaRes apud Vicidata repertae:
Nativitas: 1421, 1421; Platina
Obitus: 21 Septembris 1481; Roma
Obitus: 21 Septembris 1481; Roma
Memoria
Sepultura: Sancta Maria Maior
Vide etiam paginam discretivam: Platina (discretiva).
Bartholomaeus Platina[1] seu breviter Platina[2] (ita ab oppido nativitatis Platina nuncupatum; vulgo Bartolomeo Sacchi) natus est anno fere 1421; mortuus est Romae die 21 Septembris anno 1481. Fuit bibliothecarius Vaticanus et historicus paparum: insuper auctor fuit primi operis de arte coquinaria e prelo emissi.
Rerum gestarum scriptor Raphael Volaterranus vitam obitumque Platinae inter eos "qui reliquis in artibus claruerunt" his verbis commemoravit:
- Bartholomeus Platina Romam cum Francisco Gonzaga cardinali Mantuano venit; deinde dignatus a Xysto pontifici contubernalis simul et opibus auctus aedes in Quirinali sibi paravit, ubi et decessit sexagenarius, edita pontificum historia vulgo iam nota. Vir fuit alioquin gravis et procul a mendacio, eoque praesertim admiratione dignior quia iam provecta etate, ac tirocinio posito quod totum militiae prius tradiderat, litteras didicit.[3]
Ad quam necrologiam Gerardus Vossius historiographus, "Mirum autem," subiecit, "post pontificum vitas de re culinaria scribere voluisse."[4]
- ↑ "Platina, Bartholomaeus" apud Bibliothecam Nationalem Germanicam
- ↑ Vide e.g. titulus editionis 1475 divulgatae Platin[a]e de honesta voluptate et valitudine
- ↑ Raphael Volaterranus, Commentariorum Urbanorum [libri] (Romae: Besicken, 1506 ~ ~) f. 299v
- ↑ Gerardus Vossius, De historicis Latinis (1627) (p. 534 apud Google Books). De Platina pestilentia mortuo scribens, Iacobi Bergomatis(it) Supplementum chronicarum et Alberti Leandri descriptionem Lombardiae Transpadanae adduxit.
Previous Page Next Page
