Bosporus Cimmerius

Vide etiam paginam discretivam: Bosporus (discretiva).

Bosporus Cimmerius^[1] (Graece antiqua Βόσπορος Κιμμέριος), sive nunc fretum Kertschiense^[2] (Russice Керченский пролив, Ucrainice Керченська протока, Tartarice Taurice Keriç boğazı, Керич богъазы, Adygeice Хы ТІуалэ), fretum est inter paeninsulam Kertschiensem Crimaeae (Chersonesum Tracheam Chersonesi Tauricae) et paeninsulam Tamanicam Cubaniae, paludem Maeotidem cum Ponto Euxino coniungens.

Urbes Graecae antiquae in litore Taurico Bospori Cymmerii sitae Panticapaeum, Nymphaeum et Myrmecium fuerunt; in litore Caucasico Phanagoria et Hermonassa stabant. Nunc in litore Taurico Kertschia urbs magna et Tamanum in litore Caucasico aedificatae sunt.

↑ "Bosporus Cimmerius, Bosporus Cimmeriae, Bosporus Kimmerius, Fretum Bosporanum, Fretum Cimmerium" (Graesse, Benedict, Plechl, Orbis Latinus, tom. I., p. 313); "Bosporus vero Cimmerius est transitus a palude Maeotide ad Pontum Euxinum" (Egger, Lexicon Nominum Locorum: Supplementum referens nomina Latina vulgaria, p. 58).
↑ "freti Kertschiensis" (Latyschev, Inscriptiones antiquae orae septentrionalis Ponti Euxini Graecae et Latinae: Per annos 1885-1900 repertae)