Our website is made possible by displaying online advertisements to our visitors.
Please consider supporting us by disabling your ad blocker.

Responsive image

Cloaca Maxima

Tabula cloacae maximae aetate imperiali.
Ostium Cloacae Maximae.

Cloaca Maxima (cloaca ex cluere, quod est purgare [1]) sordes Romae in Tiberim auferebat.

Circa annum 150 a.U.c. (vel annum 600 a.C.n.), Lucius Tarquinius Priscus, rex Romae quintus, ut tradunt, eam fabricari iussit. Initio fossa aperta aquae dulcis fuisse videtur, quae rivos collium adiacentium (Esquilini, Viminalis, Quirinalis) per agrum inter Capitolium et Palatium planam nomine Velabrum ad Tiberim ducebat. Cum ea in regione postea Forum Romanum necnon multa alia aedificia exstiterint, Cloacam Maximam sensim obtectam esse constat fontibus de tempore operis dissentientibus. Aquaeductus, qui aquam continenter praebebant, cloacam expediebant.

Latitudine cloaca usque ad 3 metra, altitudine usque ad 4 metra explet. Fornix Cloacae Maximae etiam hodie spectari potest prope pontem Aemilium (hodie: ponte Rotto).

Cloaca Maxima per totum spatium imperii Romani bene curata et frequenter refecta esse videtur, ut archaeologi cognoverunt. Saeculo vicensimo ineunte antiquae cloacae partes, quae exstant, cum cloacis modernis coniunctae sunt, quo inundationes Fori Romani prohibeantur.[2]

Venus Cloacina a Romanis ut dea systematis cloacarum colebatur, qua de causa ei sacellum in Foro Romano positum est.

  1. ↑ Plin., nat. 15,120: cluere enim antiqui purgare dicebant.
  2. ↑ Ultima inundatio Fori Romani anno 1901 evenit; cf. etiam Hor., Carm. 1,2,13: Vidimus flavum Tiberim retortis litore Etrusco violenter undis ire deiectum monumenta regis templaque Vestae.

Previous Page Next Page






Вялікая Клаака BE Клоака Максима Bulgarian Cloaca Maxima Catalan Cloaca maxima Czech Cloaca Maxima German Μεγάλη Αποχέτευση Greek Cloaca Maxima English Cloaca Maxima EO Cloaca Máxima Spanish Cloaca Maxima EU

Responsive image

Responsive image