Consociatio Europaea liberi commercii

Consociatio Europaea liberi commercii^[1] (Anglice European Free Trade Association, EFTA; Francice Association européenne de libre-échange, AELE) est organizatio internationalis die 4 Ianuarii anno 1960 Holmiae (Suecia) condita. Pactum die 4 Maii anno 1960 ratum est. Consociatione incrementum ac res florentes civitatum sociarum auctae essent, praeterea commercium ac cooperatio oeconomica inter civitates. Simul et Communitati Europaeae par fuisset.

Postquam Britanniarum Regnum et aliae civitates sociae anno 1973 se Communitati oeconomicae Europaeae adiunxerunt, Consociatio Europaea liberi commercii minus minusque valebat. Ab anno 1995 nullae civitates nisi Norvegia, Lichtenstenum, Helvetia et Islandia ad Consociationem Europaeam liberi commercii pertinebant.