Cucurbita

Fructus Cucurbitae variis magnitudinibus

---

Plantae — Magnoliophyta

Classis : Magnoliopsida 
Ordo : Cucurbitales 
Familia : Cucurbitaceae 
Genus : Cucurbita 
L.

   

Synonyma

*Mellonia Gasp.

• Melopepo Mill.
• Ozodycus Raf.
• Pepo Mill.
• Pileocalyx Gasp.
• Sphenantha Schrad.
• Tristemon Scheele 1848, homonym illegitimum, neque Raf. 1819 (Juncaginaceae) nec Raf. 1838 (Juncaceae) nec Klotzsch 1838 (Ericaceae)^[1]

Cucurbita est genus herbacearum scansoriarum familiae Cucurbitacearum, in Andibus et Mesoamerica indigenarum. Ex quibus quinque species per orbem terrarum propter fructus edules, qui cucurbitae, pepones, gurdaeve appellantur, et propter semina, coluntur. Primum in America excultae, deinde in Europam ab exploratoribus Novi Mundi reportatae, nunc in multis locis sunt magni fontes cibi humani et olei.

Plantae facie et usu similes, eiusdem familiae ac Cucurbita, Veteris Mundi indigenae, sunt generum Lagenariae, Citrulli, ac Cucumis. Hae erant cucurbitae, melones, peponesque Romanis antiquis notae.

Species utiliores, late cultae, sunt Cucurbita maxima in America australi domesticata, C. moschata et C. pepo media in America domitae. Alicubi C. argyrosperma, C. ficifolia, rarius aliae species coluntur. Colonus Thomas Harriot, in Virginia saeculo XVI exeunte profectus, species plures huius generis ab indigenis cultas visit: erant cuius fructus unum mensem, erant qui duos menses maturabant.^[2]

Hodie in Civitatibus Foederatis pepones Americani in Pervigilio Omnium Sanctorum publice ostenduntur.